Apieratar velcom rastłumačyŭ pryčynu pierabojaŭ z suviaźziu, jakija adznačalisia 30 listapada ŭ niekatorych nasielenych punktach Biełarusi.

Jak paviedamili ŭ ZP «Viełkom», pieraboi tłumačacca techničnym zbojem u pracy transpartnaha abstalavańnia.

Tak, z 10.43 dla žycharoŭ Viciebska i Połacka časova byli niedastupnyja pasłuhi hałasavoj suviazi velcom u 2G-sietcy. Pasłuhi suviazi standartu UMTS byli časova niedastupnyja na niekatorych bazavych stancyjach 3G/3G+, raźmieščanych u Minsku, Viciebsku, Hrodnie, Breście, Pinsku, Baranavičach, Homieli, Babrujsku i Mahilovie. Pry hetym, adznačyli ŭ kampanii, jany nie nasili maštabnaha charaktaru.

Śpiecyjalistam velcom udałosia vyrašyć prablemy na praciahu niekalkich hadzin: u 11.27 praca 3G-sietki ŭ nazvanych haradach była poŭnaściu adnoŭlenaja, a sietka 2G zapracavała ŭ standartnym režymie ŭ 13.55.

Ciapier śpiecyjalisty kampanii pravodziać testavańnie, manitorynh i analiz situacyi. ZP «Viełkom» prynosić prabačeńni za dastaŭlenyja niazručnaści.

Kolkaść abanientaŭ velcom u Biełarusi składaje 4 miljony 532 tysiačy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?