Mižnarodny valutny fond nie płanuje da kanca hetaha hoda pieramoŭ pra vydaču Biełarusi novaj pazyki, pakolki biełaruskija ŭłady nie prademanstravali ćviordaść svaich namieraŭ u praviadzieńni reformaŭ, skazała staršynia pradstaŭnictva fondu ŭ Minsku Natalla Kaladzina.

Minsk raniej zajaŭlaŭ, što čakaje pačatku pieramovaŭ z MVF pra novuju prahramu kredytavańnia ŭ pieršaj pałovie śniežnia.

«My nie płanujem pieramoŭ pa novaj prahramie MVF sioleta.

Choć ułady raspačali niekatoryja miery ekanamičnaj palityki, jakija mohuć sadziejničać dasiahnieńniu makraekanamičnaj stabilnaści, my nie bačym dastatkovych śviedčańniaŭ ćviordaści namieraŭ uład, u tym liku, i na samym vysokim uzroŭni, pa zabieśpiačeńni stabilnaści i praviadzieńni reformaŭ», —
skazała Kaladzina.

«Supracoŭniki MVF praciahnuć pracu z uładami pa pytańniach ekanamičnaj palityki z metaj adnaŭleńnia stabilnaści, ustojlivaha ekanamičnaha rostu i roskvitu», — dadała jana.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?