Minski rajon Paŭdniovy Zachad znoŭ sutykniecca sa źmienami ŭ režymie pracy hramadskaha transpartu. Z 3 śniežnia całkam zakryvajecca ruch usich vidaŭ transparta na ŭčastku vulicy Alibiehava ad vulicy Čyhunačnaj da praśpiekta Haziety «Praŭda». Tam pačnuć budavać transpartnuju raźviazku.
U suviazi z hetym
uvieś hramadski transpart z zakrytaha ŭčastka pierakidvajecca na vulicu Janki Bryla, što jašče bolš uskładnić situacyju tam štoranicy i štoviečar.U vyjhryšy zastanucca žychary Malinaŭki, jakija buduć praskokvać skryžavańnie vulic Čyhunačnaja i Alibiehava (samy prablemny punkt) faktyčna nie spyniajučysia.
Takim čynam, u pracu pasažyrskaha transparta ŭnosiacca nastupnyja źmieny:
Maršrut A75 budzie ruchacca pa praśpiekcie Haziety «Praŭda», vulicach Alibiehava, Bryla, Hurskaha, praśpiektu Dziaržynskaha.
Maršruty A81s i A128 pajeduć pa vulicy Hołubieva, praśpiektu Haziety «Praŭda», vulicach Alibiehava, Bryla, Hurskaha, praśpiektach Dziaržynskaha, Žukava, vulicy Čyhunačnaj u abodvuch kirunkach.Pa takim samym maršrucie pajeduć maršrutnyja taksi 1180, 1181, 1281, 1275.
Tralejbusy maršrutaŭ T45, T47, T63 buduć ruchacca pa praśpiekcie Haziety «Źviazda», vulicach Bryla, Hurskaha, Umanskaj, Čyhunačnaj.
Pavodle papiaredniaj infarmacyi, budaŭnictva raźviazki raściahniecca na hod. Uvieś hety čas transpart budzie chadzić pa novych maršrutach.
