Dzień biez zakupaŭ užo ź dziasiatak hadoŭ adznačajecca ŭ apošnija vychodnyja listapada, akurat pamiž «Čornaj piatnicaj» i «Kibierpaniadziełkam», jakija va ŭsim kapitalistyčnym śviecie tradycyjna ličacca samymi nasyčanymi dniami pieradśviatočnych afłajn- i
Praz roznyja pratestnyja akcyi ich udzielniki — prychilniki fiłasofii postkansjumieryzmu — imknucca źviarnuć uvahu na prablemu zališniaha spažyvańnia.
Postkansjumierysty nazyvajuć svoj ruch adnaŭleńniem humanizmu, ź jaho vieraj u toje, što čałaviek — heta nie tyja rečy, jakija jon kuplaje, spažyvaje i jakimi vałodaje.Postkansjumieryzm zaklikaje da asabistaj hramadzianskaj adkaznaści ŭ śviecie kamiercyi, da svabodnaha vybaru, sapraŭdy svabodnaha, a nie naviazanaha rekłamaj. Hetaja ideja naradziłasia z prablemy zališniaj vytvorčaści.
Hodzie ŭžo množyć kampjutary, mabiłki dy plušavych miadźviedziaŭ — ich i tak dastatkova na Ziamli.Mienš karparacyjaŭ — bolš małych haspadarak.
Pryncypy postkansjumieryzmu
1. Sačy za svaim biudžetam.
Nie nabyvaj taho, što tabie nie abaviazkova. Kamu ad takich zakupak lepš?
2. Kuplaj łakalna.
Zachodnija aktyvisty rajać ihnaravać vialikija sietkavyja hipiermarkiety i padtrymlivać łakalnyja kramy na rajonie. Naprykład, zamiest niderłandskaj bulby ŭ «Prestanie» lepš kupć paru kiło ŭ baby Hali. Nazad — da Kamaroŭki!
3. Vučysia atrymlivać zadavalnieńnie ad svajho «adčuvańnia dosyć».
Typovy vychavaniec kapitalizmu sutykajecca z prablemaj, što nie moža pačucca ščaślivym, kali nie budzie ŭvieś čas spažyvać, spažyvać i spažyvać. Heta takaja ž zaležnaść, jak kureńnie.4. Ihnaruj śviatočnyja rasprodažy.
Navučysia atrymlivać asałodu padčas śviataŭ, nie padkormlivajučy zachodniuju spažyvieckuju mašynu, kali nie chočaš stać pradmietam žartaŭ u miedyjach.
5. Supraciŭlajsia rekłamnym atakam u miedyjach.
Nie puskaj ślinu na akcyju «dźvie koftački za canu adnoj». Padumaj,
na chaleru tabie ŭvohule hetaja modnaja anuča (tym bolš dźvie), kali šafa i tak zavalenaja.
6. Raskazvaj pra adkaznaje spažyvańnie siabram.
Ale nie budź nastojlivy: postkansjumieryzm nie musić zrabicca jašče adnym pustym brendam, prosta «tamu što modna».
7. Źmianiaj svajo žyćcio patrochu.
Rabisia bolš adkaznym u staŭleńni da ekałohii dy palityki. Vielik z palityčnaj nalepkaj na ramie — heta zvyčajny atrybut postkansjumierysta.
8. Pazbaŭsia zvyčki abnaŭleńnia.
Pamiataj, što zusim nie abaviazkova nabyvać iPhone 4S zamiest iPhone 4. Niaŭžo tabie sapraŭdy mała raniejšaj viersii?9. Uklučy mazhi i ruki!
Udzielničaj u dabračynnaści, mianiajsia rečami ź siabrami, D.I.Y. — heta značyć «Do It Yourself», «Rabi toje sam».
10. Dałučajsia da hłabalnaha postkansjumierysckaha ruchu praź internet:
http://www.postconsumerism.com
