U Mahilovie arhkamitet Narodnaha schodu pryniaŭ rašeńnie nakiravać staršyni harvykankama list z patrabavańniem adkazać na pastaŭlenyja 8 kastryčnika pytańni ab sacyjalna-ekanamičnym stanoviščy. Arhkamitet vyrašyŭ paŭtorna nie pravodzić schod va «ŭmovach ŭzmacnieńnia represij».

U Mahilovie na schodzie 8 kastryčnika było pryniata rašeńnie ab praviadzieńni 12 listapada paŭtornaha schodu z metaj abmierkavańnia adkazaŭ ułady na pastaŭlenyja pytańni ab sacyjalna-ekanamičnym stanoviščy ŭ krainie i patrabavańni, u pryvatnaści, vyzvaleńnia palitźniavolenych. Potym paŭtorny schod byŭ adkładzieny, pakolki ŭ pieršaj pałovie listapada jaho arhanizatary źviedvali administracyjny pieraśled za parušeńnie zakona ab masavych mierapryjemstvach.

Jak zajaviŭ 29 listapada na pasiadžeńni abłasnoj kaalicyi demakratyčnych sił adzin z arhanizataraŭ Narodnaha schodu Uładzimir Šancaŭ, pravodzić paŭtorna schod — heta «ŭsio roŭna, što iści zdavacca».

Jon paviedamiŭ, što arhkamitetam pryniata rašeńnie nakiravać mahiloŭskim uładam list z patrabavańniem adkazać na pastaŭlenyja 8 kastryčnika pytańni, jakija tyčacca palityčnaj i sacyjalna-ekanamičnaj situacyi ŭ krainie. Arhkamitet paličyŭ nieabchodnym nakiravać taki list, pakolki na pieradadzieny paśla Narodnaha schodu zvarot z tymi ž pytańniami Mahiloŭski harvykankam adkazu nie daŭ. Heta, jak zajaviŭ Šancaŭ, parušaje zakon ab zvarotach hramadzian i budzie abskardžana.

Jak paviedamiŭ Uładzimir Šancaŭ, kopii zvarotu paśla Narodnaha schodu byli nakiravanyja ŭ roznyja struktury ŭłady, u pryvatnaści va ŭrad. «Adkaz pryjšoŭ tolki z MUS, jakomu byŭ pieradadzieny list z urada, i tyčyŭsia palitźniavolenych, jakich my patrabujem nieadkładna vyzvalić. Milicyja paviedamiła, što nie kampietentnaja razhladać takija pytańni», — skazaŭ Šancaŭ.

Ciapier arhkamitet Narodnaha schodu ad svajho imia nakiruje list mahiloŭskim uładam, matyvujučy heta tym, što bolš čym sotnia hramadzian pa vulicy Ramanava ŭ horadzie Mahilovie inicyjavali praviadzieńnie akcyi dla abmierkavańnia hetych pytańniaŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?