2 śniežnia ŭ Minsku projdzie prezientacyja internet-prajekta «Biełaruski archiŭ vusnaj historyi», pieršaha biełaruskaha anłajn-schovišča kalekcyj vusnych uspaminaŭ, sabranych roznymi daśledčykami historyi Biełarusi.

Aŭtary prajektu źbirajuć padobnyja materyjały dla farmiravańnia masavaha korpusa krynic takoha kštałtu, kab z vykarystańniem sučasnych technałohij zachoŭvać hetyja dakumienty i arhanizoŭvać dostup da ich zacikaŭlenych.

Hałoŭnaja ideja i zadača prajektu — pakazać historyju Biełarusi XX st. praz pryzmu pohladu śviedki času i takim čynam dapamahčy zachavańniu pamiaci pra najnoŭšy pieryjad historyi Biełarusi,
u tym liku pa temach, jakija źjaŭlajucca aktualnymi i sprečnymi, dapamahli b dyskusii ŭ hramadstvie, uzbahacili b mahčymaści razhladu (biełaruskim kantekstam) historyi SSSR u suśvietnych daśledavańniach.

Kamanda prajekta Iryna Kaštalan, Volha Ivanova, Uładzimir Harłač razam z navukovym kurataram prafiesaram Alesiem Smalenčukom raskažuć zacikaŭlenym pra akaličnaści jaho stvareńnia i pierśpiektyvy raźvićcia, prademanstrujuć jaho mahčymaści.

Pa ŭźnikłych pytańniach kantaktujcie pa elektronnym adrasie: [email protected] ci pa telefonie + 375 29 755 03 70.
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?