Biełaruska-kanadski duet u składzie Maksima Mirnaha i Denieła Niestara vyjšaŭ u finał vynikovaha tenisnaha turniru ŭ Łondanie: u im biaruć udzieł vosiem najmacniejšych tenisistaŭ śvietu i vosiem najmacniejšych mužčynskich paraŭ.

U paŭfinale ŭ subotu Mirny i Niestar vyjhrali ŭ dvuch setach u bratoŭ Boba i Majka Brajanaŭ (ZŠA) — 7:6, 6:4.

U finale ŭ niadzielu jany zhulajuć ź pieramožcam pary Machieš Bchupaci / Leandar Pajes (Indyja) — Maryjuš Fyrstenbierh / Marcin Matkoŭski (Polšča).

Na hrupavoj stadyi Mirny i Niestar vyjhrali ŭsie try matčy.

***

U pieršym paŭfinale adzinočnaha razradu Rodžer Fiederer (Šviejcaryja) vyjhraŭ u ispanca Davida Fierera -- 7:5, 6:3, u druhim paŭfinale hulajuć Tomaš Bierdych (Čechija) — Žo-Viłfryd Tsanha (Francyja).

Nahadajem, što na anałahičnym vynikovym žanočym turniry, što prachodziŭ u Stambule z 25 pa 30 kastryčnika, Viktoryja Azaranka ŭ finale prajhrała Pietry Kvitavaj (Čechija).

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?