Fanataŭ u «Dynama» najbolš. Zdymak Siarhieja Hudzilina.

Fanataŭ u «Dynama» najbolš. Zdymak Siarhieja Hudzilina.

Tak žodzinskija fanaty sustreli haściej z Mahilova. Zdymak Siarhieja Hudzilina.

Tak žodzinskija fanaty sustreli haściej z Mahilova. Zdymak Siarhieja Hudzilina.

Fanaty «Niomana». Zdymak Siarhieja Hudzilina.

Fanaty «Niomana». Zdymak Siarhieja Hudzilina.

Zdymak Siarhieja Hudzilina.

Zdymak Siarhieja Hudzilina.

Tonkija ironija fanataŭ MTZ nad fanatami «Dynama». Zdymak Siarhieja Hudzilina.

Tonkija ironija fanataŭ MTZ nad fanatami «Dynama». Zdymak Siarhieja Hudzilina.

Niešmatlikija fanaty «Naftana». Zdymak Siarhieja Hudzilina.

Niešmatlikija fanaty «Naftana». Zdymak Siarhieja Hudzilina.

Biełaruskamoŭnaja pradukcyja fanataŭ «Dynama».

Biełaruskamoŭnaja pradukcyja fanataŭ «Dynama».

Biełaruskamoŭnaja pradukcyja fanataŭ.

Biełaruskamoŭnaja pradukcyja fanataŭ.

Biełaruskamoŭnaja pradukcyja fanataŭ.

Biełaruskamoŭnaja pradukcyja fanataŭ.

Biełaruskamoŭnaja pradukcyja fanataŭ.

Biełaruskamoŭnaja pradukcyja fanataŭ.

Biełaruskamoŭnaja pradukcyja fanataŭ.

Biełaruskamoŭnaja pradukcyja fanataŭ.

Biełaruskamoŭnaja pradukcyja fanataŭ.

Futbolnyja chulihany nahadali pra siabie bojkaj na pieronie stancyi mietro «Kupałaŭskaja». Sutyknulisia pamiž saboj fanaty bresckaha «Dynama», što pryjechali ŭ stalicu na hulniu z «Minskam», i pradstaŭniki fanackaha ruchu «Partyzana».

Adnoj bojkaj nie abmiežavałasia. Navat uzryvalisia pietardy. U spravu byŭ vymušany ŭmiašacca śpiecnaz. Dzieviać čałaviek zatrymali i asudzili na roznyja administracyjnyja terminy.

Pra fanacki ruch u Biełarusi pahadzilisia na ŭmovach ananimnaści parazmaŭlać pradstaŭniki troch kłubaŭ: «Dynama» (Minsk), «Partyzan» i «Homiel».

Apošnim časam bojki ŭ fanackim asiarodździ — nie takaja pašyranaja źjava. Adzin z fanataŭ minskaha «Dynama» kaža: «Milicyja sustrakaje jašče da padjezdu ŭ horad ci prosta na vakzale. Potym viaduć u aparniak, dzie i znachodzišsia da pačatku hulni,

navat kali pryjechaŭ ranicaj. Pahulać pa horadzie, pahladzieć na viadomyja miescy prosta niemahčyma. Kali i atrymajecca vyjści, to treba być vielmi aściarožnym, trymacca dalej ad milicyi, nie pakazvać «ružy» (firmovyja šaliki kamand)».

Z hetaj samaj pryčyny, faktyčna, źnikła praktyka paślamatčavych «machačaŭ». «Chułzy» kamand damaŭlalisia na roŭny boj pamiž saboj. Zvyčajna heta mahło adbycca dzieści za horadam ci ŭ zakinutaj zonie.

U Minsku najbolšy ažyjataž vyklikaje supraćstajańnie pamiž «Dynama» i «Partyzanam» (raniej MTZ-RIPA). Navat sioleta milicyja ledź usačyła za haračymi hałovami pierad sustrečaj dublujučych kamand. Kali b bojka ŭsio ž pačałasia, to ŭ joj by ŭziało ŭdzieł bolš za 200 čałaviek.

Tut idzie baraćba nie tolki za honar lubimaha kłuba, ale i ź ideałahičnych pryčyn. Za MTZ balejuć ludzi levych, anarchisckich pohladaŭ, za «Dynama» — pravych.

«Spačatku heta była vostraja kanfrantacyja na hlebie našaha supraćstajańnia idejam rasizmu, jakija daminavali ŭ fanackim asiarodździ. Ź ludźmi, jakija prapahandujuć destruktyŭnyja idei, niama i nie moža być nijakaha prymireńnia», — kaža fan MTZ.

Jašče «dynamaŭcy» siabrujuć z pradstaŭnikami «Maładziečna» i «Asipovičaŭ». Zatoje luta vajujuć z «Dniaprom» (jany jaho nazyvajuć śvińniami) i «Homielem» (bamžy). «Z BATE ŭ nas narmalnaja družba, — ź niejkaj dolaj skiepsisu kaža fanat minskaha «Dynama». — Z «Niomanam» ni toje, ni sioje. Kazać pra «Minsk», «Naftan» ci «Viciebsk» uvohule nie vypadaje, bo tam vielmi mała ludziej».

U chaŭruśnikach MTZ-RIPA chodziać «Biełkard», «Lida», «Rudziensk». Fany žodzinskaha i minskaha «Tarpieda» taksama znachodziać pamiž saboj ahulnuju movu.

Pryčym, niaredka movaj pieramovaŭ słužyć biełaruskaja. Biełaruskamoŭnyja fanackija haścioŭni jość u «Dynama», BATE, «Homiela», MTZ-RIPA, minskaha «Tarpieda». Šmat u kaho jość «ružy», raściažki, stykiery pa-biełarusku, z Pahoniaj, bieł-čyrvona-biełymi ściahami.

Byvaje, fanhrupoŭki iduć na kanflikt z kiraŭnictvam kłuba, paśla čaho zdarajucca publičnyja «razvody». Jak toje było ŭ svoj čas z fanami BATE. Ciapier barysaŭskija chłopcy jakraz i zajmajucca tym, što sprabujuć znoŭ abjadnacca.

Na vyjaznyja matčy ad fanataŭ minskaha «Dynama» vybirajecca ad 200 da 1000 čałaviek, u zaležnaści ad horada i važnaści sustrečy. Inšyja kamandy takim pachvalicca nie mohuć.

Naprykład, salihorski «Šachcior» stabilna dobra vystupaje ŭ nacyjanalnym pieršynstvie, ale ŭ fansiektary ŭ ich nie bolej za 100—200 čałaviek. A voś homielskaja tarsida litaralna za niekalki siezonaŭ zaŭvažna vyrasła. «Mocny šturšok daŭ vylet u pieršuju lihu, — dzielicca fanat «Homiela». — Na derbi z DSK pryjšło 500 fanataŭ, a na finał Kubka sioleta vyjazdžała 2000 čałaviek».

U subotu «Homiel» atrymaŭ važnuju pieramohu nad minskim «Dynama», ale fansiektara na stadyjonie nie było. Sprava ŭ tym, što ludziej, jakija aktyŭna padtrymlivajuć «Homiel», paprasili zarehistravacca, jany admovilisia toje zrabić. I navat zładzili bajkot. Tym samym fanaty prajaŭlajuć i svaju hramadzianskuju pazicyju.

Zaŭsiody jość ryzyka atrymać pa harbach nie tolki ad pradstaŭnikoŭ varahujučaha kłuba, ale i ad śpiecnaza. Jak heta było niadaŭna ŭ Babrujsku z fanami «Dynama». Pravaachoŭnikam padałosia, što jany nadta raźniavolena siabie pavodzili.

Fanackaja subkultura stała nieadjemnaj častkaj žyćcia mnohich vialikich haradoŭ. Supraćstajańnie «chułzaŭ» šatłandskich «Chibierniana» i «Chartsa» vydatna apisaŭ Irvin Uełš, łondanskich «Čełsi» i «Miłuoła» — Džon Kinh. U knihach Archana Pamuka to tam to tut źjaŭlajucca apisańni baraćby vialikaj stambulskaj trojki — «Hałatasaraj», «Fienierbachče», «Biešyktaš».

Biełarusi daloka da takich hrandaŭ, ale svaje «fanackija vojny» ŭ nas taksama majucca.

* **

Jak žartaŭliva nazyvajuć adzin adnaho fanaty biełaruskich kłubaŭ

BATE — batony

«Šachcior» — kraty

«Homiel» — bamžy

Minskaje i bresckaje «Dynama» — musary

«Biełšyna» — žydy

«Tarpieda» — piedy

«Naftan» — mazuta

«Nioman» — aleni

«Viciebsk» — paravozy

«Minsk» — prastytutki

«Dniapro» — śvińni

* * *

Karotki słoŭnik fanata

A.S.A.V. — usie mianty ŭbludki

Derbi — sustreča kamand z adnaho horada

Kuźmičy — asnoŭnaja masa ludziej, što prychodzić na stadyjon, jakija ničoha nie razumiejuć u fanatyźmie

Machač — bojka

Ruža — šalik z atrybutykaj kłuba

Sabaka — elektryčka

Trafiej — zabrany ŭ vorahaŭ šalik, ściah

Firma — hrupoŭka fanataŭ

Chapun — masavy aryšt

Chułz — chulihany

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?