Urad maje namier viarnucca da dziaržaŭnaha rehulavańnia cenaŭ. Jak paviedamiŭ 24 listapada vice-premjer Anatol Kalinin padčas naviedvańnia staličnaha AAT «Budtrest № 7», praduhledžana abmiežavańnie cenaŭ na asnoŭnyja pradukty i pramtavary.

«Ciapier svabodnyja cenaŭ, ale my bačym, što adbyvajecca: u vytvorcaŭ tavar pa adnoj canie, a ŭ handli ŭ dva razy vyšejšy. Dyk chto ž pavinien zarablać: vytvorca abo pasiaredniki?»

Pavodle słovaŭ Kalinina, pytańni svabodnaha cenaŭtvareńnia, «na žal, u respublicy nie skłalisia, tamu prychodzicca asobnyja hrupy praduktaŭ i pramtavaraŭ viartać na rehulavanyja ceny».
Heta ŭ pieršuju čarhu zakranie asnoŭnyja hrupy tavaraŭ štodzionnaha popytu.
Takaja miera, paviedamiŭ Kalinin, budzie zakładziena ŭ prahramu sacyjalnaj abarony nasielnictva, jakuju płanujecca pryniać da kanca hoda.

Akramia hetaha, prahrama ŭklučaje mierapryjemstvy, jakija «daduć mahčymaść ludziam bolš zarabić», dadaŭ vice-premjer. Pavodle jaho słoŭ, mahčymyja peŭnyja źmieny ŭ zakanadaŭstvie. Havorka idzie pra toje, kab lehalizavać prava čałavieka pracavać u niekalkich miescach ŭ volny ad asnoŭnaj pracy čas, rastłumačyŭ Kalinin. «My razhladajem takuju ​​mahčymaść, budziem raicca, jak jaje realizavać, nam treba raźniavolić hramadzian», — skazaŭ jon.

Kalinin taksama paviedamiŭ ab zapłanavanym pavyšeńni taryfnaj staŭki pieršaha razradu i značnym pavyšeńni pamieru minimalnaj zarabotnaj płaty.

Akramia taho, adznačyŭ jon, uniesieny prapanovy pa padtrymcy hramadzian, jakija budujuć žyllo. Kali ŭ siamji jość adzin pracujučy, a žonka znachodzicca ŭ dekretnym adpačynku, to jany atrymajuć adterminoŭku ŭ pahašeńni kredytu da momantu vychadu na pracu žonki.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?