Chacieŭ by raskazać pra vypadak na matčy BATE — «Viktoryja».

Daŭno chacieŭ nabyć šalik nacyjanalnaj zbornaj Biełarusi pa futbole, ale nie zialony, a bieł-čyrvona-bieły, jość takija, dakładniej, byli. Pierad matčam z «Miłanam» vyjaviłasia, adnak, što heta deficytny tavar:

tolki ŭ adnoj ź piaci pałatak, što realizujuć futbolnuju atrybutyku, znajšoŭsia taki šalik, i toje apošni! Astatnija pradaŭcy na majo pytańnie: «Vam što, zabaranili ich pradavać?» — adkazvali adnastajna: «Typu taho».

Dyk voś, na matčy z «Miłanam» usio było, skažam tak, dobra… Ale na hulni z «Viktoryjaj» ja byŭ strašenna ździŭleny. Pierad matčam, užo na siektary, kali ja nakinuŭ hety šalik na kurtku,

da mianie padyšoŭ staršyna śpiecnaza i zapatrabavaŭ źniać jaho, spasyłajučysia na niejki zahad, što takija šaliki zabaronienyja! Na maju prośbu zahad, naturalna, nie pakazali. Ja atrymaŭ adkaz: «Ja vas papiaredziŭ».
Daviałosia źniać šalik — baćka ŭhavaryŭ…

A kali ja ŭsio ž znoŭ nadzieŭ «varožy» šalik, da mianie padyšoŭ śpiecnazaviec, znoŭ z prośbaj źniać jaho. Jamu było hadoŭ 20, mnie stała škada jaho — u vačach było razumieńnie marazmu addadzienaha jamu zahadu. Kali jon nie vykanaje zahad svajho načalnika, jon paniasie pakarańnie. I tak u nas usiudy. Hetaja strašnaja sistema pracuje na strachu i zapałochvańni.

U śviatle niadaŭnich sudoŭ u krainie nie zachaciełasia atrymać 15 sutak… Bo lohka ŭsio paviarnuli b tak, što ja łajaŭsia matam, heta ŭ nas prosta.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?