Heta byŭ adzin z samych vybitnych vakalistaŭ u historyi rok-muzyki.

Jon paśpieŭ za svajo žyćcio napisać kala piacidziesiaci chitoŭ, papracavać z Mansierat Kabalje, Majkłam Džeksanam i Devidam Boŭi, stvaryć niekalki solnych albomaŭ i prydumać simfoniju na šeść chvilin — znakamituju «Bahiemskuju rapsodyju».

24 listapada 1991 hoda Fredzi Mierkjury pamior ad pnieŭmanii, jakaja abvastryłasia na fonie ŚNIDu.

U svaim testamiencie jon paprasiŭ kaleh pa Queen znajści novaha vakalista.

Faruch Bałsara (a mienavita tak hučyć sapraŭdnaje imia Mierkjury), naradziŭsia ŭ Zanzibary ŭ 1946 hodzie. Pieršapačatkova Mierkjury płanavaŭ stać mastakom, i pastupiŭ u kaledž Ilinh. Paralelna jon zacikaviŭsia tvorčaściu topavych hurtoŭ taho času — The Beatles, Cream, i asabliva — Džymi Chiendryksa. Lehiendarnyja Queen źjavilisia ŭ samym pačatku 1970-ch. Toje, što było dalej — užo historyja.

Paśla śmierci Mierkjury ŭdzielniki Queen, jak i chacieŭ Fredzi, pačali źbirać novyja składy. Rodžer Tejłar jeździŭ z solnymi hastrolami, na trybjutach

partyi Mierkjury śpiavali ŭsie «kłasiki» — ad Ełtana Džona da asnoŭnaha kankurenta na «najlepšaha vakalista» Robierta Płanta.

U peŭny momant na rolu novaha vakalista byŭ abrany Poł Rodžers — były frontmen Free i Bad Company. Što cikava, vakał Rodžersa zusim nie padobny na vakał Mierkjury, i

na kancertach stała zaŭvažna, jak sa źmienaj vakalista šedeŭralnyja pieśni Fredzi čaściakom pieratvarajucca ŭ typovy chard-rok70-ch.

Adnak

sens takich vystupaŭ vidavočny — pakul The Doors, T-Rex imknucca znajści vakalista-dvajnika, Queen praciahvaje raźvivacca jak hurt.
Albom z Połam Rožersam byŭ uspryniaty fanatami ŭ štyki, adnak nasamreč heta vielmi jakasnaja płaścinka. Zaraz Tejłar i Brajan Mej šukajuć novaha vakalista, a taksama abiacajuć vypuścić studyjny albom ź Mierkjury — na im buduć sabranyja staryja studyjnyja zapisy, jakija dahetul nikoli nie publikavalisia.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?