Dasiahnuta pryncypovaje pahadnieńnie ab zaklučeńni kantraktu ź Piatrom Padhradskim, paviedamlaje aficyjny sajt minskaha «Dynama».
U 48 hulniach minułaha rehularnaha čempijanatu słavacki abaronca nabraŭ za «Dynama» 30 (8+2) ačkoŭ, a ŭ sieryi płej-of naohuł staŭ najlepšym bambardziram kamandy, zarabiŭšy ŭ siami matčach sieryi 8 (2+6) bałaŭ. Taksama adznačym, što ŭ minułym siezonie Piotr pradstaŭlaŭ «zubroŭ» u Matčy Zorak KCHŁ-2011.
U mižsiezońnie pakinuŭ šerahi «Dynama», što pavodle pryznańnia hałoŭnaha treniera Mareka Sikory stała surjoznaj strataj. Adnak u mahnitahorskim «Mietałurhu» Padhradski pravioŭ tolki dva matčy. Takim čynam Padhradski vyrašyŭ pryniać tyja ŭmovy, jakija minski kłub prapanoŭvaŭ chakieistu jašče pierad pačatkam ciapierašniaha siezonu.
Užo ŭ čaćvier Piotr prybudzie ŭ kamandu.
