Šakaład moža stać delikatesam da 2050 hodu z-za katastrafičnaj źmieny klimatu, havorycca ŭ dakładzie Mižnarodnaha centra trapičnaj sielskaj haspadarki. Na dumku ekśpiertaŭ, praz 40 hadoŭ siaredniaja tempieratura na zachadzie Afryki vyraście na 2,3 hradusy pa Celsii, što zrobić klimat Hany i Kot-dJIvuara nieprydatnym dla vyroščvańnia kakavavych ziarniataŭ, piša Hazieta.ru.

Hłabalnaja industryja šakaładu, abjomy jakoj aceńvajucca ŭ $ 9 młrd, atrymlivaje amal pałovu kakavy ź fiermaŭ hetych dziaržaŭ.

Jak adznačajuć aŭtary daśledavańnia,

kakavavyja ziarniaty na zachadzie Afryki ŭjaŭlajuć saboj ekvivalent najaŭnych hrošaj.
«Mnohija fiermiery vykarystoŭvajuć kakava jak bankamaty», — havorycca ŭ spravazdačy. Jany nabirajuć ziernie ŭ taru i abmieńvajuć jaho na miedycynskija pasłuhi abo płaciać imi školnyja zbory. Akramia taho, što abjomy kakavy, jakaja vyroščvajecca ŭ Hanie i Kot-dJIvuary majuć stratehična važnuju rolu dla ŭsioj industryi šakaładu,
kakava źjaŭlajecca fundamientalnaj asnovaj «narmalnaha žyćcia žycharoŭ zachodniaj Afryki».

Na dumku ekśpiertaŭ,

fiermiery pačnuć adčuvać uździejańnie klimatyčnych źmien užo ŭ 2030 hodzie.

Navukoŭcy adznačajuć, što

kakava raście na «niezvyčajna dalikatnych i schilnych da roznych zachvorvańniaŭ» drevach. Parazity i chvaroby štohod skaračajuć ŭradžaj kakavavych ziarniataŭ prykładna na 30%.
Tak, u liku krain, jakija byli hałoŭnymi eksparciorami kakava na suśvietnyja rynki, zusim niadaŭna była Brazilija, adnak dziaržava straciła svaje pazicyi z-za źjaŭleńnia niebiaśpiečnaha virusa, jaki napatkaŭ płantacyi.

Raniej najbujniejšy vytvorca šakaładnaj pradukcyi Barry Callebaut (pastaŭščyk šakaładu dla Nestle i Hershey) vykazvaŭ aściarohi, što deficyt šakaładu i rost cenaŭ na kakava mohuć spravakavać źnižeńnie spažyvańnia praduktu.

U biełarusaŭ u hetaj situacyi dva šlachi: zakuplacca šakaładam užo zaraz abo čakać, što ŭ vyniku hłabalnaha paciapleńnia kakavavyja drevy pačnuć raści dzie-niebudź u vakolicach Mazyra.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?