7 vieraśnia 1812 hoda adbyłasia Baradzinskaja bitva, jakaja ŭvajšła ŭ historyju jak samaja kryvavaja z usich adnadzionnych.

Jana adbyłasia la vioski Baradzino, što za 125 kiłamietraŭ ad Maskvy.

Padčas 12-hadzinnaha boju francuzskaje vojska zachapiła pazicyi rasijskaha vojska ŭ centry i na levym fłanzie, ale paśla bajavych dziejańniaŭ francuzy adyšli na pieršapačatkovyja pazicyi. Na nastupny dzień ruskaje vojska raspačało adychod. Abodva baki źniasililisia i spłyli kryvioj. Kolkaść zabitych z rasijskaha boku aceńvajuć u pamiery ad 38 da 58 tysiač čałaviek. Z boku francuzaŭ achviary skłali kala 30 tysiač.

Dahetul historyki nie syšlisia ŭ dumcy, chto pieramoh u bitvie:
zachodnija i častka rasijskich vučonych kažuć pra pieramohu Napaleona, adnak bolšaść rasijskich daśledčykaŭ ličać pieramožcam Kutuzava, śćviardžajučy, što prynamsi «maralnaja» pieramoha mieła miesca być.
I ŭ vojsku Napaleona, i ŭ rasijskich złučeńniach vajavali biełarusy.
«Z adnaho boku byli vojski hienierała Rajeŭskaha — rekrutaŭ dla 26-j dyvizii nabirali ŭ Minskaj hubiernii. Z druhoha boku, biełarusy ŭvachodzili ŭ polski korpus Juzafa Paniatoŭskaha, jaki vajavaŭ za adnaŭleńnie Rečy Paspalitaj, spadziavaŭsia ŭ hetym na dapamohu francuzaŭ, — raskazaŭ karespandentu «NN» doktar histaryčnych navuk Aleś Smalančuk. — Tamu bitvu całkam možna ličyć padziejaj biełaruskaj historyi. Adnak varta zaŭvažyć, što
kali ŭ savieckaj i rasijskaj dziaržavie hetuju vajnu nazyvajuć Ajčynnaj, dyk dla biełarusaŭ heta była rasijska-francuzskaja vajna, jakaja nabyvała rysy hramadzianskaj.

Na žal,

u Biełarusi temaj hetaj vajny historyki amal nie zajmalisia — pakul što niama nivodnaj manahrafii,
pryśviečanaj tym padziejam. Isnujuć tolki rasijskija i francuzskija pracy».
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?