Hetuju navinu ahučyŭ kiraŭnik «Biełaruśkalija» Valeryj Kiryjenka.
Kiraŭnik «Biełaruśkalija» Valeryj Kiryjenka upeŭnieny, što ŭrad Biełarusi adračecca kredytu Aščadbanka Rasii i «Dojče Banka» na $ 2 młrd na prapanavanych umovach.
«Na tych umovach, jakija vystaviŭ rasijski bok, ja ŭpeŭnieny, što naš urad nie pahodzicca», — zajaviŭ jon u čaćvier. Kiryjenka rastłumačyŭ, što majecca na ŭvazie załoh 35% akcyj pradpryjemstva.
«Nie tak užo ŭ nas usio drenna, kab pajści na heta», — cytuje jaho BiełTA.
U toj ža čas Valeryj Kiryjenka pryvioŭ u prykład azierbajdžanski kredyt «Biełaruśkaliju» na $ 300 młn., jaki ŭziaty na vyhadnych umovach. «Tut my ničoha nie stracili», — adznačyŭ hiendyrektar. Minfin Biełarusi pradaŭ «Biełaruśkaliju» ablihacyi — pradpryjemstva «padstaviła plačo dziaržavie», rastłumačyŭ jon.
Nahadajem, što ŭ pačatku žniŭnia premjer-ministr Rasii Pucin paviedamiŭ, što Aščadbank Rasii i Deutsche Bank razam daduć kredyt «Biełaruśkaliju» na $ 2 młrd pad zastavu 35% akcyj pradpryjemstva.
Mahčyma, mienavita admova ad rasijska-niamieckaha kredytu i vyklikała rezkaje padzieńnie biełaruskaha rubla na čornym rynku ŭ žniŭni.Za apošnija niekalki tydniaŭ rubiel upaŭ z 6200 da 7700 za dalar. Analityki nie mahli vytłumačyć pryčyny takoha padzieńnia.
