17 žniŭnia byli zatrymanyja ŭdzielniki akcyi maŭklivaha pratestu.

Raniej arhanizatary internet-supolnaści «Revalucyja praz sacyjalnuju sietku» abjavili ab pierapynku ŭ mierapryjemstvach da vieraśnia, adnak aktyŭnyja hamialčanie praciahvali źbiracca pa sieradach u 19.00 kala fantana la cyrka, kaardynujučy svaje dziejańni praz sacyjalnuju sietku «UKantakcie». Jany ničym siabie nie prajaŭlali, tolki źbiralisia ŭ pryznačany čas i razmaŭlali.

«17 žniŭnia na placoŭcy kala fantana sabrałasia kala 20 čałaviek, a milicyi było jašče bolš. My prosta razmaŭlali i potym razyšlisia. Dźmitryja Karaškova zatrymali kala płoščy Paŭstańnia supracoŭniki DAI, kali jon źbiraŭsia źjazdžać na svaim aŭtamabili», — paviedamiŭ BiełaPAN aktyvist zarehistravanaj u Čechii arhanizacyi «Małady front» Andrej Cianiuta.

Karaškoŭ paviedamiŭ BiełaPAN pa telefonie, što svajo zatrymańnie jon źviazvaje z udziełam u akcyi maŭklivaha pratestu. «Heta było metanakiravanaje zatrymańnie. U supracoŭnika DAI byŭ zapisany numar majho aŭtamabila. Ja tolki pasprabavaŭ adjechać ad płoščy Paŭstańnia, jak mianie spynili supracoŭniki DAI i abvinavacili ŭ tym, što ja nibyta nie prapuściŭ piešachoda. Ciapier u mianie zabrali klučy ad aŭtamabila i, napeŭna, kudyści paviazuć», — skazaŭ Karaškoŭ.

Kab padtrymać mianie, da miesca jaho zatrymańnia padyšli inšyja ŭdzielniki akcyi. «Ale tut užo nas čakała milicyja. Pravieryli dakumienty. U kaho byli pašparty — pierapisali źviestki i adpuścili, a tych, chto byŭ biez dakumientaŭ, pavieźli ŭ RAUS dla razboru», — paviedamiŭ Andrej Cianiuta. Sam jon paźbieh zatrymańnia, bo byŭ z pašpartam.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?