U novym navučalnym hodzie ŭ Minsku dadatkova

źjaviacca try novyja himnazii: na bazie škoł №№ 52, 158 i 166.
Ab hetym paviedamiła načalnik upraŭleńnia adukacyi kamiteta pa adukacyi Minharvykankama Zoja Chachłova.

Pavodle jaje słoŭ, usiaho ŭ Minsku 45 himnazij, u jakich vučacca 33 tysiač čałaviek.

Himnazistam źjaŭlajecca prykładna kožny piaty školnik.
Himnazii karystajucca popytam u baćkoŭ i akazvajuć adukacyjnyja pasłuhi na vysokim uzroŭni, padkreśliła Chachłova. 92% navučencaŭ himnazij majuć uzrovień ruskaj movy, jaki moža być acenieny ŭ 7—10 bałaŭ, taki ŭzrovień pa matematycy majuć 78% navučencaŭ himnazij, pa biełaruskaj movie — 77%.

Sioleta na adno miesca ŭ himnazii prypadała 1,6 zajavy. Usiaho było padadziena 5 tys. zajaŭ. Dla paraŭnańnia: u 2010 hodzie ŭ himnazii było padadziena kala 4,5 tys. zajaŭ, u 2009-m — kala 4 tys.

Chachłova paviedamiła, što staličnyja himnazii buduć jašče ažyćciaŭlać dadatkovy nabor navučencaŭ (pačynajučy z 6-ha kłasa). Tak, u 10-y i 11-y kłasy dadatkovy nabor na svabodnyja miescy praviaduć 38 himnazij. Vypusknyja kłasy himnazij majuć čatyry kirunki: fizika-matematyčny, chimika-bijałahičny, hramadaznaŭčy i bijałahičny.

Chachłova nahadała, što sioleta dziejničajuć novyja praviły pryjomu ŭ himnazii.

Abituryjenty pavinny zdavać ruskuju i biełaruskuju movu i matematyku, a zaličeńnie prachodzić pa vynikach acenak, atrymanych na ŭstupnych ispytach, i hadavych acenak za 4-y kłas pa pradmietach, pa jakich pravodzilisia ŭstupnyja ispyty.
Raniej zaličeńnie ŭ himnazii ažyćciaŭlałasia tolki pa troch acenkach, atrymanych na ŭstupnych ispytach.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?