Biełaruś nie zmoža ŭ 2011 hodzie patrapić u kłub krain, jakija zasvoili kalaziamnuju prastoru. Jak paviedamlaje «Interfaks-Zachad», zapusk rasijskaha i biełaruskaha kaśmičnych aparataŭ z kasmadroma Bajkanur budzie pieraniesieny na nastupny hod praz techničnyja prablemy.

Jak vyśvietliłasia, jość prablemy z prahramna-matematyčnym zabieśpiačeńniem dla sistem kiravańnia spadarožnikami «Kanopus-V» i «Biełka-2».

Kančatkovaja viersija matematyki budzie hatovaja tolki da pačatku śniežnia, tamu šancaŭ na zapusk aparataŭ u 2011 hodzie, chutčej za ŭsio, niama.

Start nieadnarazova adkładaŭsia praz prablemy pry zavadskich vyprabavańniach spadarožnikaŭ, apošniaj dataj zapusku nazyvałasia 29 vieraśnia.

Nahadajem, što ŭkrainskaja rakieta-nośbit «Dniepr» 27 lipienia 2006 hoda pazbaviła kosmas ad pieršaha biełaruskaha spadarožnika «Biełka», padarvaŭšysia praz chvilinu paśla startu na vačach u Alaksandra Łukašenki, jaki asabista pryjechaŭ da zapusku spadarožnika na Bajkanur.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?