3 vieraśnia pad Minskam adbudziecca fołk-fest «Kamianica». Hetym razam mierapryjemstva ŭznačalać biełaruskija hurty «Troica», Osimira, a taksama lider ukrainskaj rok-hruppy «Vopli Vidaplasava» Aleh Skrypka.

Fest adbyvajecca ŭžo treci hod zapar u Muziei narodnaj architektury i pobytu (vioska Aziarco, 4 km. za aŭtarynak «Malinaŭka»), na terytoryi jakoha znachodzicca ŭnikalnaja kalekcyja aŭtentyčnaj biełaruskaj draŭlanaj architektury 18-20 stahodździaŭ. Meta mierapryjemstva — prapahada biełaruskaj kultury i dapamoha muzieju. Usie hrošy za ŭvachod iduć na rachunki hetaj ŭstanovy, dapamahajučy zachoŭvać ekspanaty.

Dla kožnaha z chedłajnieraŭ fiestyvalu vystup na sioletniaj «Kamianicy» budzie znakavym. Etna-tryo «Troica» ŭpieršyniu pradstavić u Biełarusi na vialikaj scenie svoj uchvaleny krytykami novy albom «Zimačka». Mahiloŭski hurt Osimira, jaki dobra viedajuć u Rasii, Ukrainie i Polščy, vystupić ŭ Minsku ŭpieršyniu z 2007 hoda. A dla lidera «VV» Aleha Skrypki heta pieršy ŭ Biełarusi vystup z fołk-prahramaj.

«Aleh Skrypka — nie tolki znakamity rok-muzyka, ale i viadomy prapahandyst ukrainskaj kultury, u tym liku narodnaj. Naprykład, jon źjaŭlajecca zasnavalnikam i kiraŭnikom viadomaha ŭkrainskaha fołk-festu «Kraina mrij» i roznych jaho adhalinavańniaŭ, — raspaviadaje kaardynatar «Kamianicy» Siarhiej Čyhryniec. — Jamu cikava pakazać biełaruskaj publicy svaju fołkavuju prahramu, pahladzieć, jak heta adbyvajecca ŭ nas, znajści niejkija novyja hurty dla svajho festu. Nam vielmi pryjemna, čto heta nie prosta niejkija hrašovyja stasunki».

Uvachod budzie adbyvacca pa kvitkach muzieju, jakija kaštujuć 10 tys. rub. dla darosłych i 5 tys. rub dla školnikaŭ. Naviedniki buduć mieć mahčymaść nie tolki pasłuchać muzyku, ale i pahladzieć usiu ekspazicyju. Papiaredni prodaž kvitkoŭ — vuł. Kalvaryjskaja 17 — 614, teł. (017) 209 41 63. Daviedka: (029) 670 13 30.

Hladzi taksama: Repartaž z «Kamianicy-2010»
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?