Hitaryst hurtu Black Sabbath Toni Ajomi abvierh infarmacyju pra ŭźjadnańnie muzyčnaha kalektyvu,
paviedamlaje Reuters.

Raniej brytanskaja hazieta The Birmingham Mail paviedamiła, što Ajomi, vakalist Ozi Osbarn, bas-hitaryst Hizier Batler i bubnač Bił Uord pačali repietycyi napiaredadni kancertnaha turu. Pry hetym śćviardžałasia, što kancertny tur hurt zapłanavaŭ u suviazi z vychadam novaha alboma ŭ nastupnym hodzie.

U haziecie havaryłasia, što Ajomi nieciarpliva čakaje novych sumiesnych vystupaŭ hurta.

Adnak u sieradu Ajomi apublikavaŭ na svaim aficyjnym sajcie abviaržeńnie hetaj infarmacyi. Natatku ŭ haziecie jon acharaktaryzavaŭ jak «absalutny nonsens». Pavodle słovaŭ hitarysta, jon prosta ŭsłych razvažaŭ pra takuju mahčymaść.

Jak skazaŭ Ajomi, žurnalist vykarystaŭ «razmovu, što adbyłasia jašče ŭ červieni, i zrabiŭ vyhlad, byccam my ź im ŭčora razmaŭlali pra ŭźjadnańnie Black Sabbath».

«U toj čas ja padtrymlivaŭ vystavu Home of Metal i prosta bałbataŭ usiakuju łuchtu, razvažaŭ usłych pra toje, pra što nas usich pastajanna raspytvajuć: «Vy ŭźjadnoŭvajeciesia?» — zajaviŭ Ajomi, paprasiŭšy prabačeńnia ŭ inšych muzykaŭ hurtu.

Osbarn pakinuŭ hurt u 1979 hodzie. Udzielniki abjadnoŭvalisia ŭ 1998 hodzie, kab zapisać albom Reunion, adnak paśla hetaha hurt raspaŭsia znoŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?