Ministr adukacyi Biełarusi Siarhiej Maskievič nie vyklučaje ŭviadzieńnia ŭ budučyni minimalnaha prachadnoha bała dla pastupleńnia ŭ VNU.

U pryvatnaści, u ministra pacikavilisia, ci ličyć jon narmalnaj situacyju, pry jakoj čałaviek pastupaje na płatnaje navučańnie pa śpiecyjalnaści «mižnarodnyja adnosiny», majučy pa vynikach centralizavanaha testavańnia 8 bałaŭ pa ruskaj movie i 16 pa anhlijskaj.

«Ja liču, što da nastupnaha hoda takoha być nie pavinna», — pryznaŭ Siarhiej Maskievič.

Pa jaho słovach, nasamreč hetyja nizkija bały treba razhladać tolki adnosna inšych bałaŭ pa hetym pradmiecie i nijak nie absalutyzavać. «Ale ŭ pryncypie ja zhodny, što dla taho, kab psichałahična ŭ hramadstvie nie było takoha niedarazumieńnia, treba ŭstalavać barjer — nižniuju płanku, prachadny bał, i bolš aryjentavacca nie na sistemu, jakaja ciapier funkcyjanuje, a kab hetyja adznaki byli absalutna zrazumiełyja, kab ludzi ŭsprymali», — skazaŭ ministr.

Клас
0
Панылы сорам
0
Ха-ха
0
Ого
0
Сумна
0
Абуральна
0