Prezientacyja knihi Jaryły Pšaničnaha «Piščavyja liški» (sieryja «Druhi front mastactvaŭ»).

18 žniŭnia 2011 h.

18:00

kniharnia «HALIJAFY» (Padziemka, pr. Niezaležnaści, 43).

Biaruć udzieł:

Illa SIN

Lolik UŠKIN

Źmicier PLAN

Źmicier VIŠNIOŬ

Paŭluk KANAVALČYK

Uładzisłaŭ BUBIEN

Volha HAPIEJEVA

Arciom KAVALEŬSKI

Alaksandr ADAMIANC

hurt «BARADATY HRYNVIČ»

Pry padtrymcy časopisa «Novaja Jeŭropa», hramadska-kulturnickaj kampanii «Budźma biełarusami!», vydaviectva «HALIJAFY».

Uvachod volny.

Piaśniar vialikich płoščaŭ i praśpiektaŭ

Pradstaŭlenyja vašaj uvazie tvory Jaryły Pšaničnaha važnyja dla biełaruskaj litaratury nie mienš, čym, da prykładu, «Skaz pra Łysuju haru» Viedźmaka Łysahorskaha. U kancy 90-ch aŭtar «Piščavych liškaŭ» aktyŭna drukavaŭsia ŭ haziecie anarchistaŭ «Navinki», ciapier supracoŭničaje z hazietaj zialonych «Mirnyj atom». Unikalnaść stylu Jaryły Pšaničnaha ŭ śpiecyfičnaj padačy — usie teksty byli admysłova napisanyja na «treciaj» (nieaficyjnaj) movie Biełarusi — trasiancy. Važna zrazumieć, što takaja tvorčaja fryvolnaść abumoŭlenaja situacyjaj u hramadstvie. Nie sakret, što mnohija biełarusy nie viedajuć ani ruskaj, ani biełaruskaj i aktyŭna ŭ paŭsiadzionnym žyćci ŭžyvajuć mienavita hetuju hrymučuju sumieś. Užo daŭno stała normaj, kali čynoŭnik na hetym «byccam tarabarskim słenhu» publična pramaŭlaje.

Pierad vami sproba pakpić ź isnaj linhvistyčnaj situacyi. Aŭtar žanhluje nie tolki palityčnymi, ekanamičnymi miačami, jon žanhluje postsavieckaj zaskaruzłaściu, vykryvajučy psieŭdaintelihientnaść. Tamu ŭsie pamyłki: hramatyčnyja, stylistyčnyja, moŭnyja — u pradstaŭlenych tvorach jość zadačaj kanceptualnaj i nie padlahajuć krytycy. U hetym vydańni zafiksavany admysłovy aŭtarski pryjom, jaki vyvodzić paeta Jaryłu Pšaničnaha pa-za moŭnyja miežy čałaviečaha mora. Jon adzin z apošnich pieśniaroŭ vialikich płoščaŭ i praśpiektaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?