Zryŭ supracy Irana ź «Biełarusnaftaj» — nia pieršy zboj u šyroka razreklamavanym «praryvie Biełarusi na perspektyŭnyja rynki».
Jak i ŭ vykarystańni Biełarusi ŭ «jakaści tramplina Irana ŭ Eŭropie». Prajekt vyrabu «Samandaŭ» u Biełarusi taksama siabie nie apraŭdaŭ.

Ekanamičny efekt biełaruska-iranskich dačynieńniaŭ vyhladaje ścipła. Tolki letaś abjom dvuchbakovaha handlu pierasiahnuŭ symbaličnuju adznaku 100 miljonaŭ dalaraŭ ZŠA — chacia zadača vyjści na hety rubiež była pastaŭlenaja jašče ŭ dalokim 2004-m, padčas vizytu ŭ Miensk tahačasnaha iranskaha prezydenta Chatami.

Iranski bok vynikami supracy permanentna niezadavoleny.
Iranski ambasadar u Miensku Abduła Chasejni — abrany, darečy, u iranskim MZSie «Najlepšym ambasadaram Irana» minułaha hodu — jašče ŭletku 2009 hodu nie strymaŭsia.
«Systema kiravańnia hetaj krainaj [Biełaruśsiu] nia nadta hładkaja. Biurakratyja krainy davoli specyfičnaja». Jašče adnoj prablemaj, źjaŭlajecca, na dumku sp. Chasejni, toje, što «anhielskaja mova ŭ hetaj krainie nie pašyranaja».

U tym samym vystupie Chasejni skazaŭ: «Mnie zdajecca, što ŭ piacihadovym dalahladzie my nie pabačym surjoznych źmienaŭ u hetaj krainie, a jaje intaresy nastolki splalisia ŭ adzin vuzieł z Rasiejaj, što jana nia zdoleje lohka adździalić svaju palityčnuju strukturu ad rasiejskaj». Maŭlaŭ, Łukašenkava Biełaruś — nia całkam samastojnaja adzinka.

Kantakty ź Biełaruśsiu mieli dla iranskaha režymu — jak i dla Miensku ci Karakasa, anałahična, — nia stolki kamercyjny, kolki imidžavy charaktar —
jak demanstracyja «najaŭnaści sajuźnikaŭ» i «praryvu na novy rynak». Tehieran znachodzicca jašče ŭ bolšaj mižnarodnaj izalacyi, čym Miensk.

Kantakty ź Biełaruśsiu zazvyčaj hučna aśviatlajucca ŭ iranskich aficyjnych ŚMI. Nehatyŭ adsiakajecca — tak, navat apazycyjnyja iranskija ŚMI «nie zaŭvažyli» ŭ lutym zajavy biełaruskaha vice-premjera Siamaški pra toje, što, vyniki «Samanda» nikčemnyja i ŭvohule zavod moža być pieradadzieny kitajskim aŭtavytvorcam. Iranskaja navinavaja ahiencyja «Fars» praciahvaje badziora pisać pra ŭsiaśvietnyja pośpiechi «Iran Chodroŭ», vytvorcy hetych cud-mašynaŭ, tłumačačy, što «zavod u Senehale zabiaśpiečyć patreby afrykanskaha rynka, a biełaruski zavod zabiaśpiečyć patreby rynkaŭ SND».

Tym nia mienš,

urad Iranu ŭ apošni čas pravioŭ šerah śmiełych ekanamičnych reformaŭ, imknučysia azdaravić ekanomiku. Paralelna z hetym, vidać, idzie pieraacenka tych prajektaŭ, jakija mieli bolš palityčnuju, čym ekanamičnuju podbiŭku. U tym liku i Džafejr — honar zamiežnaj palityki Alaksandra Łukašenki.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?