Jany chočuć unifikavać padatkovuju sistemu i ŭvieści pasadu kiraŭnika Zony Jeŭra.

Francyja i Hiermanija prapanujuć stvaryć urad jeŭrazony i pryznačyć jaho kiraŭnikom staršyniu Jeŭrarady Chiermana van Rompieja.

Akramia taho, Mierkiel i Sarkazi zajavili, što źbirajucca zraŭnavać padatki dla francuzskich i niamieckich pradpryjemstvaŭ z 2013 hoda.

Pa zakančeńni sustrečy z kancleram Hiermanii Anhiełaj Mierkiel u Jelisiejskim pałacy prezident Francyi Nikala Sarkazi paviedamiŭ, što novy ŭrad budzie pryznačacca na termin dva z pałovaj hady. List z hetaj prapanovaj Paryž i Bierlin źbirajucca nakiravać Van Rompieju ŭ sieradu ranicaj.

Mierkiel, u svaju čarhu, zajaviła, što Francyja i Hiermanija chočuć pravodzić pad staršynstvam Van Rompieja dva razy na hod samity kiraŭnikoŭ dziaržavaŭ i ŭradaŭ, rašeńni jakich byli b abaviazkovymi dla jaho ŭdzielnikaŭ.

«My razumiejem, što ŭsio heta doŭhi praces, što ŭsio nie adbudziecca za adzin dzień», — cytuje jaje RIA «Naviny».

Akramia taho, Francyja i Hiermanija ŭ vieraśni prapanujuć Jeŭrasajuzu ŭstalavać ahulny padatak na finansavyja apieracyi,

zajavili Sarkazi i Mierkiel.

«Niamiecki i francuzski ministry finansaŭ ź vieraśnia pradstaviać jeŭrapiejskim instancyjam ahulnuju prapanovu ab padatku na finansavyja apieracyi», — skazaŭ Sarkazi. Mierkiel adznačyła, što nieabchodnaść hetaha padatku — vidavočnaja.

Jeŭrakamisija pavinnaja atrymać bolš mahčymaściaŭ dla ŭmiašańnia ŭ ekanamičnuju palityku krainy-pazykanta. Pra heta zajaviła kancler Mierkiel, udakładniaje ITAR-TASS.

«My paprasili našych ministraŭ finansaŭ i ekanomiki padrychtavać prapanovy, jakija buduć nam pieradadzienyja ŭ pačatku 2012 hoda na pasiedžańni francuzska-hiermanskaj rady ministraŭ, kab pačynajučy z 2013 u nas byŭ ahulny padatak na pradpryjemstvy ŭ tym, što datyčyć jaho padatkaabkładalnaj bazy i stavak dla niamieckich i francuzskich pradpryjemstvaŭ», — zajaviŭ Sarkazi.

Kancler, u svaju čarhu, zajaviła, što «heta ambicyjny prajekt, ale tolki ambicyi dazvolać nam damahčysia žadanych vynikaŭ».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?