Arhanizatary solnaha kancertu hurta Neuro Dubel u mienskim The Loft Cafe vymušanyja paviedamić, što impreza 19 žniŭnia nie adbudziecca. Ad jaje praviadzieńnia admoviłasia kiraŭnictva klubu paśla vizytu ŭ administracyju Savieckaha rajonu. Lider hurta Alaksandar Kullinkovič z hetaj nahody: «Kožny raz čakaješ, što niešta źmienicca, ale ŭsio, jak zvyčajna. Žachlivuju adzinotu adčuvaju ŭ hetaj suviazi, nastolki ŭsio zmročna vyhladaje».

Pra toje, što kancert Neuro Dubel moža nie adbycca było viadoma jašče na minułym tydni. Tady kiraŭnictva klubu było vyklikana ŭ administracyju Savieckaha rajonu. Pa nieaficyjnaj infarmacyi, čynoŭniki paraili padumać nakont praviadzieńnia mierapryjemstva 19 žniŭnia. Paśla hetaha The Loft Cafe vymušana było admović arhanizataram kancertu Neuro Dubel. «My nie pakidali nadziei pieranieści kancert u inšy klub. Źviarnulisia jašče ŭ try mienskija kluby, ale ŭsie paśla vahańniaŭ taksama nam admovili. Kryŭdavać na kiraŭnikoŭ placovak my nia možam, zrazumieła, što im nie patrebnyja prablemy», — kaža arhanizatar Pavał Kašyryn.

«Mnie by chaciełasia daviedacca za što my zasłužyli takoje staŭleńnie. Chto nam moža ŭziacca patłumačyć heta?» — rytaryčna pytaje lider Neuro Dubel Alaksandar Kullinkovič. Muzykant kaža, što takoje raźvićcio padziejaŭ jon prahnazavaŭ, ale ŭsio adno navina ŭviała jaho ŭ stan pryhniečanaści. «Kožny raz čakaješ, što niešta źmienicca, ale ŭsio, jak zvyčajna. Žachlivuju adzinotu adčuvaju ŭ hetaj suviazi, nastolki ŭsio zmročna vyhladaje». Alaksandar ličyć, što z usich fihurantaŭ «čornaha śpisu» zabarony najbolš mocna bjuć pa jahonym hurcie: «Astatnija muzyki choć majuć vyjście na inšyja harady i krainy, a my zaŭždy stavili na Miensk, dzie nam hrać nie dajuć. Dobra było by, kab usie, kaho tyčacca zabarony, sabralisia razam, a nie vajavali ŭ adzinočku. Padtrymali by adzin adnaho, pavyciahvali by kožny kožnaha na festy, skarystali by svaje padviazki dla ahulnaj spravy. Mahčyma tady by minuła hetaja nieadolnaja tuha…»

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?