Fota zroblena vidavočcam, pasažyram ciahnika. Auto.onliner.by

Fota zroblena vidavočcam, pasažyram ciahnika. Auto.onliner.by

Kiroŭca lehkavoha aŭtamabila atrymaŭ mnostva ranieńniaŭ pry sutyknieńni mašyny ź ciahnikom «Ryha — Minsk».

Avaryja adbyłasia na stancyi Alachnovičy. Miascovy žychar jechaŭ za rulom słužbovaha aŭtamabila «Aŭdzi» biez pasažyraŭ.

Na nieachoŭnym čyhunačnym pierajeździe, abstalavanym spraŭnaj śvietłavoj i hukavoj sihnalizacyjaj, jon pajechaŭ na zabaronieny sihnał śviatłafora.

U vyniku adbyłosia sutyknieńnie ź ciahnikom. Kiroŭca byŭ dastaŭleny ŭ balnicu sa šmatlikimi siniakami i ranami hałavy, rezanaj ranaj pravaha vucha, a taksama ranami łba i nosa.

Zatrymka ŭ ruchu nazvanaha ciahnika skłała 2 hadziny 11 chvilin. Taksama dźvie elektryčki «Maładziečna — Minsk» zatrymalisia na hadzinu, elektryčka «Alachnovičy — Minsk» — na 23 chviliny, ciahnik «Vilnius — Minsk» — na 5 chvilin.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?