Harvykankam admianiŭ usie mierapryjemstvy da «Dažynak».

 Arhanizatary padrychtavali dla Maładziečna afišu, ale ŭ spravu ŭmiašaŭsia ramont.

Arhanizatary padrychtavali dla Maładziečna afišu, ale ŭ spravu ŭmiašaŭsia ramont.

21 lipienia ŭ Maładziečnie ŭ Pałacy kultury musiła adkrycca vystava fatahrafij finalistaŭ konkursu «Pres-fota Biełarusi 2011». Adnak, jak paviedamiŭ «NN» adzin z arhanizataraŭ vystavy fatohraf Vadzim Zamiroŭski, u apošni momant administracyja pałaca admoviła ŭ praviadzieńni vystavy. «Nam patłumačyli, što jość rasparadžeńnie harvykankama nie pravodzić nijakich mierapryjemstvaŭ da Dažynak», — kaža Vadzim Zamiroŭski. Pa jaho słovach, tak heta nasamreč, ci byli niejkija pretenzii da vystavy, jamu nieviadoma. Cikava, što dva dni tamu arhanizatary vystavy pryvieźli pracy ŭ pałac i administratary ich pryniali, a ŭžo na nastupny dzień im patelefanavali i raskazali pra ramont. Ciapier viaducca pošuki alternatyŭnaj placoŭki.

Heta nie pieršaja admiena vystavy «Pres-fota Biełarusi». U mai Muziej historyi Minska admoviŭ arhanizataram cyrymonii ŭznaharodžańnia pieramožcaŭ konkursu «Pres-fota Biełarusi 2011» u pamiaškańni, spasłaŭšysia na «nizki estetyčny ŭzrovień zdymkaŭ pieramožcaŭ».

Chto jašče niadaŭna trapiŭ pad «ramont»?

20 lipienia ŭ DK Vieteranaŭ u Minsku musiŭ adbycca jubilejny kancert Źmitra Vajciuškieviča, adnak za niekalki dzion jaho admianili, spasłaŭšysia na ramont. U sakaviku ŭ Mahilovie nie adbyŭsia kancert «Lapisa Trubiackoha». Za niekalki dzion da kancerta haspadar kłuba, dzie musiŭ vystupać hurt, papiaredziŭ, što ŭ ich toj dzień… moža praciačy dach.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?