Nacyjanalny bank Biełarusi svaim listom ad 1 červienia 2011 hoda dazvoliŭ aŭtadyleram handlavać novymi aŭtamabilami za zamiežnuju valutu.
Jak paviedamili BiełaPAN va ŭpraŭleńni infarmacyi Nacbanka, dla taho kab handlavać za zamiežnuju valutu, aŭtadyleram nieabchodna atrymać adpaviedny dazvoł hałoŭnaha banka krainy. U liście rastłumačvajecca paradak atrymańnia takoha dazvołu. "Usiu najaŭnuju valutu aŭtadylery pavinny zdavać u bank, zrazumieła, z zaličeńniem na ich rachunak", — padkreślili ŭ Nacbanku.
Na minułym tydni Nacbank pašyryŭ pieralik pasłuh i tavaraŭ, jakija realizoŭvajucca subjektami haspadarańnia fizičnym asobam, raźliki za jakija možna ažyćciaŭlać u zamiežnaj valucie pry najaŭnaści adpaviednaha dazvołu. U liście rehulatara № 31-16/245 ad 25 maja adznačajecca, što takoje rašeńnie pryniata "z ulikam važnaści zadačy pa naroščvańni abjomaŭ ekspartnaj valutnaj vyručki, što pastupaje ŭ krainu ".
Ciapier atrymać dazvoł NBB na vykarystańnie ŭ raźlikach valuty možna budzie pracujučy ŭ nastupnych śfierach: realizacyja paliva, naftapraduktaŭ, zvadkavanaha hazu na aŭtazapravačnych stancyjach; turystyčnaja dziejnaść; akazańnie pasłuh fizasobam-nierezidentam u śfiery haściničnaha biźniesu; akazańnie pasłuh azdaraŭlenčymi ŭstanovami (sanatoryi, damy adpačynku, turystyčnyja bazy) fizičnym asobam-nierezidentam; akazańnie miedycynskich pasłuh fizičnym asobam-nierezidentam, akazańnie pasłuh fizičnym asobam-nierezidentam pa navučańni, stažyroŭcy i pavyšeńni kvalifikacyi i inš.
