Paviedamleńnie pra zvarot uradu Biełarusi ŭ Mižnarodny valuty fond z prośbaj ab pradastaŭleńni našaj krainie stabilizacyjnaha kredytu źjaviłasia ranicaj. Adnak, u abiedziennym vypusku navinaŭ ANT pra heta pramaŭčali.
Pieršaj navinoj była sustreča sakrataroŭ Savietaŭ biaśpieki krain-udzielnic ADB. Zatym ANT paviedamiła pra znojdzieny pad Minskam arsienał bojeprypasaŭ časoŭ Druhoj suśvietnaj vajny. Na trecim miescy apynułasia infarmacyja pra raspaŭsiudžańnie kišečnaj infiekcyi ŭ Jeŭropie. A zatym dyktarka raskazała pra ŭručeńnie prezidenckaj premii «Lepšy pa prafiesii», źlot junych inśpiektaraŭ ruchu, novy rejs «Biełavija» i składanaści z rasśledavańniem avijakatastrofy łajniera Air France ŭ 2009 hodzie nad Atłantykaj (pry hetym ni słova nie skazali pra incydent rejsam № 984 Frankfurt — Minsk).
Zrešty, dziaržaŭnym ŚMI nie pryvykać padobnym čynam aśviatlać niazručnyja temy. Pryhadajem 24 maja, kali biełaruski rubiel byŭ devalvavany bolš čym na 50%. Navina pra heta apynułasia ŭ chvaście padziejaŭ, jakija ŭ toj dzień aśviatlali dziaržaŭnyja telekanały i drukavanyja vydańni.
