Łukašenkaŭcy adnavili handal pavietram 19

Pravał raniejšaj ekanamičnaj palityki zmušaje łukašenkaŭcaŭ šukać hrošy za miažoj.

Ad 2006-ha toje paŭtarajecca z hoda ŭ hod. Dla ich heta pytańnie kali nie žyćcia i śmierci, to stabilnaści i kamfortu. Biez kredytu MVF prapahandystam, u tym liku i hałoŭnamu, pryjdziecca napružvać hałasavyja źviazki, a novyja damy na vulicy Bryljantavaj buduć u mienšym mietražy.

U pieryjad minułaj libieralizacyi łukašenkaŭcy pradali pavietra

 — «hramadska-kansultatyŭnuju radu» pry poŭnym važnaści Makieju i inšuju takuju łabudu.

Zaraz niezaležnamu hramadstvu ŭnutry Biełarusi, a paralelna ź im Zachadu varta prajavić ciarplivaść.

Ułady znoŭ źviarnulisia da MVF.

Łukašenka namiaknuŭ na mahčymaść vyzvaleńnia palitviaźniaŭ — u abraźlivaj formie. A nie — vyzvalajcie z pavahaj, u tym liku i Aŭtuchoviča,

kali chočacie reakcyi.

Miaśnikoviča pasłali da Bahdankieviča ź ni da čoha nie abaviazvajučaj razmovaj. A nie — niachaj syduć takija, jak Tkačoŭ,

kali chočacie mianiać niešta ŭsurjoz.

Pieramovy z MVF buduć iści svaim chodam. Jany datyčać uratavańnia płaciežazdolnaści Biełarusi i biełaruskich bankaŭ u pryvatnaści: sapraŭdnyja ciažkaści pačnucca ŭ druhoj pałovie 2012 hoda, kali kraina pavinna pačać spłačvać abo restrukturavać asnoŭnuju masu finansavych abaviazacielstvaŭ 2006–2008 hadoŭ. Heta značyć, što kraina staić pierad pierśpiektyvaj doŭhaha pieryjadu ekanomii. Napeŭna, pieramovy z MVF mohuć skončycca pośpiecham, u vypadku kali buduć źniatyja ŭmovy sine qua non, sfarmulavanyja ES i ZŠA dla taho kab jany mahli taki kredyt palityčna padtrymać.

Niama sensu vieści razmovy pra vyzvaleńnie palitviaźniaŭ. Ludzi nie pavinny siadzieć za palityku, i kropka. Niama nijakaha sensu vieści razmovy pra svabodnuju rehistracyju ŚMI i ich svabodny raspaŭsiud — heta normy nacyjanalnaha prava, jakija prosta pavinny vykonvacca.

U palityčnaj śfiery niama nijakich padstavaŭ spyniać taktyku ihnaravańnia.

Nasamreč, łukašenkaŭcam pakul nie patrabujecca supracoŭnictva. Ani z ułasnym hramadstvam, ani z Zachadam.

Ad hramadstva im treba dyscyplina, ad Zachadu — kredyty ŭ abmien na mir. And nothing else matters.

Navat inviestycyj ci svabodnaha biznesu im nie treba — inačaj by jany źmianili palityčnuju sistemu krainy na takuju, jakaja b zabiaśpiečvała harantyi zamiežnym inviestaram i svabodnaha biznesu. Čamu navat u pieryjad libieralizacyi 2007–2010 hadoŭ 80% zamiežnych inviestycyj prychodziła u krainu z Rasii abo z rasijskaha kapitału ŭ afšorach? Tamu što pry siońniašniaj sistemie harantyi maje tolki toj, chto moža, u krajnim vypadku, i haz pierakryć.

Niama praktyčnaha sensu biehać z prapanovami dyjałohu vakoł prezidenckaha pałaca, pakul tam niama subjektaŭ dla dyjałohu. Kali takija subjekty źjaviacca, kali ŭ ich budzie žadańnie mianiać sistemu, tady dyjałoh raspačniecca sam saboj. Pakul ža varta zajmacca bolš praktyčna karysnymi spravami.

Mikoła Buhaj

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH