«Situacyja z pravami čałavieka ŭ Biełarusi paharšajecca i zastajecca krynicaj mocnaj zaniepakojenaści. Žorstkimi turemnymi pakarańniami, pahrozami zakryć niezaležnyja haziety i pieraśledam pravaabaroncaŭ biełaruskija ŭłady chranična nie prytrymlivajucca standartaŭ Rady Jeŭropy adnosna demakratyi, pravoŭ čałavieka i vierchavienstva zakonu»,— zajaviła dakładčyk pa Biełarusi Parłamienckaj asamblei rady Jeŭropy Sinika Churskajnien na pasiadžeńni Palityčnaha kamiteta PARIE, što adbyłosia ŭ aŭtorak. Jana vystupiła z dakładam ab apošnich palityčna matyvavanych sudach i represijach suprać pravaabaroncaŭ i niedziaržaŭnych ŚMI ŭ Biełarusi.
Palitkamitet PARIE, uličvajučy situacyju ź niezarehistravanymi arhanizacyjami ŭ Biełarusi, pryniaŭ rašeńnie źviarnucca da Jeŭrapiejskaj kamisii pa demakratyi praz zakonnaść, kab taja acaniła artykuł 193–1 Kryminalnaha kodeksa RB (ab členstvie ŭ niezarehistravanaj arhanizacyi) na pradmiet adpaviednaści ŭniviersalnym standartam, što tyčacca pravoŭ čałavieka.
