Kiraŭnik urada Michaił Miaśnikovič sustreŭsia z byłym kiraŭnikom Nacbanka, prafiesaram ekanomiki i vidnym dziejačom apazicyi Stanisłavam Bahdankievičam. Miaśnikovič prapanoŭvaŭ Bahdankieviču supracoŭnictva na aficyjnaj asnovie. A taksama prasiŭ idej, jak zmahacca z kryzisam.
Bahdankievič ad supracoŭnictva admoviŭsia. Jon prapanavaŭ pryciahvać maładziejšych śpiecyjalistaŭ. U toj ža čas Bahdankievič vykazaŭ svaje bačańni šlachoŭ vychadu z kryzisu: vyznačać kurs rubla na biržy, prasić u MVF kredyt 8 miljardaŭ dalaraŭ, spynić palityčnyja represii i cisk na ŚMI i ŭvohule — mianiać imidž krainy.
Miaśnikovič, u svaju čarhu, paznajomiŭ prafiesara Bahdankieviča z płanam dziejańnia ŭrada. Jak raskazvaje Bahdankievič, niejkich kardynalnych zachadaŭ nie praduhledžvajecca.
