Namieśnica hałoŭnaha redaktara haziety «Narodnaja vola» stała łaŭreatkaj mižnarodnaj premii imia Hierda Buceryusa «Maładaja presa Uschodniaj Jeŭropy» (premii fonda Cajt).
Žurnalistka ŭžo atrymała zaprašeńnie na ŭračystuju cyrymoniju ŭručeńnia, što projdzie 15 červienia ŭ Nobieleŭskim instytucie ŭ Osła (Narviehija).
«Biezumoŭna, u našaj siońniašniaj niaprostaj situacyi sa ŚMI, kali niedziaržaŭnyja haziety apynulisia na miažy zakryćcia (u tym liku, darečy, i „Narodnaja vola“), hetaja premija — vialikaja pryjemnaść. Heta znak uvahi i padtrymki z boku jeŭrapiejskich kaleh», — zaznačyła Maryna Koktyš u hutarcy z
«Naša Niva» taksama dałučajecca da vinšavańniaŭ.
***
Premija «Maładaja presa Uschodniaj Jeŭropy» była zasnavanaja ŭ 1999 hodzie niamieckim fondam «Zeit». Zasnavalnik hetaha fondu — Hierd Buceryus, viadomy vydaviec, juryst, palityk, jaki vystupaŭ za svabodu słova. U apošnija hady da arhanizataraŭ konkursu dałučyŭsia taksama narviežski fond «Svabodnaje słova». Łaureatami ŭznaharody mohuć stać jak srodki masavaj infarmacyi, tak i asobnyja žurnalisty ź Biełarusi, Ukrainy, Hruzii, Rasii i paŭdniovaha Kaŭkaza, jakija vystupajuć u padtrymku svabody presy, svabody słova i libieralnaj hramadzianskaj supolnaści. Ad kožnaj krainy žury štohod abiraje adnaho albo niekalkich łaŭreataŭ.
U papiarednija hady premiju Cajta ź biełaruskich ŚMI atrymlivali:
«Borisovskije novosti», «Novy čas»,«Hazieta Słonimskaja», «Ježiednievnik», infarmahienctva BiełaPAN, «Biełorusskaja diełovaja hazieta», «Salidarnaść», «Biełorusskij rynok», «Narodnaja vola», «Svobodnyje novosti», «Naša Niva», «Briestskij kuŕjer», «Vitiebskij
