Krainy Jeŭropy nie majuć da ich pretenzij.

Pra heta ahienctvu «Interfaks Zachad» zajaviŭ u intervju kiraŭnik darožnaj palicyi Litvy Hintaras Aleksandravičus.

«My pryznajem i budziem pryznavać ich — jany adpaviadajuć usim kanviencyjam ab darožnym ruchu.

Niama i nie było nijakich novaŭviadzieńniaŭ»,
— padkreśliŭ jon. «Inšaja sprava, kali kiroŭca pryjedzie z paśviedčańniem kiroŭcy, vydadzienym u SSSR. Hetaj dziaržavy ŭžo nie isnuje, hetyja paśviedčańni ŭžo nie pryznajucca», — dadaŭ jon.
Aleksandravičus zaŭvažyŭ, što dla jaho «niezrazumieły hety ažyjataž z pravami ŭ Biełarusi».

Jon taksama abvierh infarmacyju, što da staroha paśviedčańnia kiroŭcy spatrebicca nataryjalna zavierany pierakład na movie krainy znachodžańnia. «Kali paśviedčańnie kiroŭcy maje łacinskaje napisańnie, maje termin dziejańnia — heta značyć, jamu nie patrebny pierakład, jano adpaviadaje patrabavańniam Vienskaj kanviencyi ab darožnym ruchu», — padkreśliŭ Aleksandravičus.

Zastajecca pytańnie: a chto prydumaŭ mif pra patrebu zamieny? Mo toj, chto chacieŭ atrymać prybytak za novyja paśviedčańni?

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?