«Muzyka na kampakt-dyskach adžyła svaju epochu» — kolki razoŭ za pošnija paru hadoŭ davodziłasia čuć hetuju frazu. Nu, skažam ščyra, dzie jak.
Kuplać pieśni The Beatles pa dalary za štuku my vidavočna nie źbirajemsia, a internet, dzie ŭsio heta možna spampavać, jość jašče daloka nie va ŭsich. Tamu dyski, i navat licenzijnyja, pradajucca niadrenna.

«Naša Niva» vyśvietliła, jakuju muzyku biełarusy hatovyja kuplać na kampaktach.

Mocart na TOPie

Pradaŭcy ździŭlajucca, ale kłasika idzie vielmi dobra. Asabliva Mocart — prodažy Mocarta vyhladajuć lepš, čym pa sučasnaj zamiežnaj muzycy. Nie darma muzykaviedy nazyvajuć jaho hienijem pop-muzyki. Jahonyja miełodyi dahetul trymajucca ŭ śpisach najpapularniejšych rynhtonaŭ dla mabilnych telefonaŭ. U svoj čas muzyka Mocarta vykonvała tuju ž rolu, jakaja ciapier naležyć lidaram prodažaŭ časopisa Billboard. I voś što charakterna: prajšło sorak hadoŭ i, naprykład, Niła Dajmanda pamiatajuć tolki znaŭcy i amatary, a Mocart papularnaści nie straciŭ i nabyvaje ŭsio novych i novych amataraŭ — hienij jon hienij i jość. Razam z Mocartam dobra pradajucca Šapen i Bietchovien, a taksama Vivaldzi. Bolš składanaja dla ŭsprymańnia akademičnaja muzyka — kštałtu Stravinskaha i Rachmaninava, ad Mocarta adstaje, a pra kampazitaraŭ kštałtu Džona Kejdža ścipła pramaŭčym.

Kuplajuć biełaruskaje.

Biełaruskija vykanaŭcy — u topie. Nie hledziačy na toje, što «Lapis Trubiackoj» vykładvaje svaje albomy ŭ volny dostup u Internecie, popyt na «Viasiołyja karcinki» (ich apošni albom) — stabilna vysoki. Dobra pradajucca i papiarednija — usia antyhłabalisckaja tryłohija. Trymajucca ŭ topie i «DzieciDziaciej» ź biełaruskamoŭnym albomam «Ruch» — pryčym abychodziać pa papularnaści navinki. Dobra pradajecca novy J: Mors — albom «Električiestvo» jašče raz dakazaŭ, što ciahacca z «Lapisam» pa papularnaści mohuć tolki jany, asabliva na fonie taho, što bolšaść «staroj hvardyi» vypuskaje albomy daloka nie kožny hod.

«Niejra Dziubiel» taksama ŭvachodzić u čaćviorku lidaraŭ z albomam «Aftary pravdy», što pry ŭsieahulnaj lubovi da kalektyvu vyhladaje absalutna łahičnym, adzinaje što słuchać Kulinkoviča i kampaniju pažadana na scenie.

Rasija — carstva šansonu

Samyja pradkazalnyja vyniki — chity prodažaŭ rasijskich vykanaŭcaŭ. Tut lidaraŭ troje, i ŭ bližejšy čas ništo nie źmienić hetuju situacyju. Alena Vajenha, Stas Michajłaŭ i Hryhoryj Leps. Kali apošni troški zdaŭ svaje pazicyi, to Vajenha ź Michajłavym iduć, što nazyvajecca, «nos da nosu». Prosta škada, što bukmiekiery nie biaruć staŭki na papularnaść taho ci inšaha muzykanta: sačyć jak Vajenha i Michajłaŭ spaborničajuć u prodažach, ratacyjach i efirach — heta mahło b zacikavić azartnych ludziej, navat tych, chto muzykaj u pryncypie nie cikavicca. Ich tvorčaść zajmaje cełyja palicy dyskarniaŭ. Usio ž taki žanr «ruskaha šansonu» (chaj i toj, što nazyvajecca z «ludskim tvaram») zastajecca asnoŭnym na adnoj šostaj častcy sušy. Nu, prynamsi, nie hurt «Butyrka», što ŭžo radasna. Asobna pradaŭcy dyskarniaŭ kažuć pra vialikuju papularnaść supolnaha prajekta Łary Fabijan i Ihara Krutoha, ale da jakoj muzyki rasijskaj ci zachodniaj ich adnosić — nie zrazumieła.

Lady Gaga i astatnija

A voś zachodnija ci, jak pišuć u našych dyskarniach «zamiežnyja», vykanaŭcy pradajucca nie vielmi. Tut byccam by i spracoŭvaje aśvietnickaja funkcyja Interneta: usie novyja albomy ŭ siecivie možna spampavać jašče za miesiac da aficyjnaha relizu.

U dyskarniach lidaram źjaŭlajecca Lady Gaga, što ciapier — suśvietnaja tendencyja.

Adrazu za joj idzie Džaścin Bibier.

Hetyja muzykanty ŭžo zachapili suśvietnyja muzyčnyja čarty i telekanały i nie vyhladaje na toje, kab u bližejšy čas jany kamu-niebudź sastupili miedyjaprastoru.

Dobra pradajucca staryja albomy Madony, mahčyma, ludzi ŭzhadali, što Lady Gaga troški im kahości nahadvaje. Iznoŭ ža Łara Fabijan — jakaja razam z Krutym zachapiła palicy z zamiežnymi vykanaŭcami.

Trymajecca papularnaść hurtu Okiean Jelzi, ale ŭžo ŭ mienšaj stupieni, čym raniej. Karystajecca popytam albom Brajana Fery Olympia, i dźvie apošnija płaścinki Šakiry (naŭrad ci heta zaležyć ad jaje pryjezdu). U astatnim — nijakaha ažyjatažu vakoł zachodniaj muzyki niama, ni vakoł navinak, ni vakoł pieravydańniaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?