U śpisie hanarovych daktaroŭ Biełdziaržuniviersiteta infarmatyki i radyjoelektroniki jaho bolš niama.

Lidar Livijskaj revalucyi Muamar Kadafi źnik sa śpisu hanarovych daktaroŭ Biełaruskaha dziaržaŭnaha ŭniviersiteta infarmatyki i radyjoelektroniki, raźmieščanaha na sajcie navučalnaj ustanovy.

Va ŭpraŭleńni mižnarodnaha supracoŭnictva BDUIR «Našaj Nivie» admovilisia kamientavać pryčynu źniknieńnia lidara Džamachiryi z hanarovych śpisaŭ. «Ja nie budu heta kamientavać. Vy nie pieršy siońnia telefanujecie», — adznačyła zahadčyca ŭpraŭleńnia Hanna Citovič. Jana skazała, što nie razumieje, čamu ŭsim tak cikava, što zdaryłasia z Kadafi. Pa jaje słovach, joj asabista bolš važny los 18 livijskich aśpirantaŭ, jakija vučacca ŭ Biełarusi i jakimi apiakujecca ŭpraŭleńnie.

Navina pra toje, što Kadafi atrymaŭ hanarovaha doktara BDUIR «za značny ŭkład u raźvićcio adukacyi i navuki, a taksama za ŭmacavańnie supracy miž VNU Respubliki Biełaruś i Vialikaj Sacyjalistyčnaj Narodnaj Livijskaj Arabskaj Džamachiryi», źjaviłasia paśla taho jak u Livii mirnyja pratesty pačali dušyć tankami i avijacyjaj. U bajnecie paŭžartam pačali kazać pra BDUIR, jak pra vierahodnaje miesca pracy dla Kadafi ŭ vyhnańni.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?