Na Saraki treba było złamać sorak doščačak, parvać stolki ž šnurkoŭ abo viarovak, kab potym uletku znajści sorak ptušynych hniozdaŭ.
Na Vierbnicu aśviačali halinki viarby i źjadali z adnoj ź ich usie pupyški, kab paspryjać ciažarnaści. Na Vialikdzień, kab na praciahu hoda być zdarovymi, mylisia ŭ toj vadzie, u jakoj lažała aśviačonaje jajka. Na Jurja vykonvali šmat rytualnych dziejańniaŭ, jakija pavinny byli paspryjać płodnaści žyviolnaha statka i ŭradlivaści ziamli.

  Isnuje zabarona sadzić bulbu ŭ toj dzień tydnia, na jaki sioleta prypała Dabravieščańnie, chacia, zdavałasia b, usio pavinna być naadvarot: dzień zaradžeńnia novaha žyćcia pavinien byŭ (na asnovie prynycypu padabienstva) maksimalna spryjać zakładvańniu asnoŭ bahataha ŭradžaju novaha hoda.

  Akramia taho, u toj dzień tydnia, na jaki prypadała Dabravieščańnie, nielha było ŭ pieršy raz vyhaniać žyviołu na pašu, zabaraniałasia raspačynać arać i siejać; vyvozić hnoj na pole; pačynać budaŭnictva chaty i inšych pabudoŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?