Mahčymaści atrymać ułasnuju kvateru siamja Kłaskoŭskich čakała 12 hadoŭ.

Zaraz im znoŭku daviadziecca stanavicca ŭ čarhu na žyllo.

«Na schodzie čalcoŭ kaapieratyvu pryniali rašeńnie nas vyklučyć. Maŭlaŭ, u kvaterach užo pačalisia štukavalnyja pracy, a vy nie zdoleli vyrašyć finansavaje pytańnie», — raspaviała «Biełsatu» Natalla Kłaskoŭskaja.

Žančyna havoryć, što hienieralnuju davieranaść ad muža na adkryćcio kredytnaj linii zatrymaŭ śledčy KDB. Jon addaŭ dakumient, kali siamju vyklučyli z kaapieratyvu.

Natalla litaralna raścisnutaja tym, što adbyłosia. Jana havoryć, što ŭ čarzie na atrymańnie žylla siamja prastajała 12 hadoŭ, apošnija paŭtara hoda — u ilhotnaj, jak šmatdzietnaja. «Nam skazali, što vyjście zaraz adno, znoŭku iści ŭ vykankam i stanavicca ŭ čarhu. Adnak papiaredzili, što pytańnie vyrašycca nie chutka, bo prezident daŭ zahad skaračać žyllovaje budaŭnictva, vynosić jaho pa-za miežy stalicy», — raspaviadaje Natalla.

U siamji Kłaskoŭskich troje małych dziaciej 12, 7 i 2 hady. Siamja vymušana žyć u nievialičkaj kvatery svajakoŭ. Natalla havoryć, što kali b ułady nie pieraśledavali jejnaha muža, to ŭžo ŭ žniŭni siamja spraviła b navasielle.

Udzielnik Płoščy, były milicyjant Alaksandr Kłaskoŭski abvinavačvajecca pavodle artykułu ab masavych biesparadkach; taksama jaho vinavaciać u abrazie pradstaŭnika ŭłady (art. 369 KK) i samavolnym prysvajeńni zvańnia ci ŭłady słužbovaj asoby (art. 382 KK). Jamu pahražaje da 15 hadoŭ pazbaŭleńnia voli.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?