Prem'jer-ministr Biełarusi Michaił Miaśnikovič atrymaŭ zaprašeńnie naviedać Zimbabve. Heta zaprašeńnie było ahučana vice-prezidentam Respubliki Zimbabve Džonam Nkoma ŭ Minsku ŭ čas dvuchbakovych pierahavoraŭ
.

«Pakul vy nie naviedajecie Zimbabve, ličycie, vy nie pabyvali ŭ Afrycy, — skazaŭ Džon Nkoma, źviartajučysia da Michaiła Miaśnikoviča. — Ja zaprašaju naviedać našu krainu».

Vice-prezident Zimbabve źviarnuŭ uvahu na toje, što siońnia jaho kraina źjaŭlajecca svabodnaj i suvierennaj. «My idziom napierad vysoka padniaŭšy hałavu i chočam raźvivać adnosiny z tymi, chto nie pakinuŭ nas u čas baraćby za niezaležnaść», — padkreśliŭ jon. Na dumku vice-prezidenta Zimbabve, u dźviuch krain vialikija mahčymaści dla raźvićcia partniorstva.

Dypłamatyčnyja adnosiny pamiž Biełaruśsiu i Zimbabve ŭstanoŭleny ŭ krasaviku 1992 hoda. Pa vynikach 2010 hoda tavaraabarot pamiž krainami skłaŭsia ŭ pamiery $2,7 młn. Biełaruski ekspart skłaŭ $0,1 młn. (159 pracentaŭ da ŭzroŭniu 2009 hoda) i byŭ sfarmiravany za košt pastavak drukavanaj pradukcyi i šyn. Asnovu biełaruskaha ekspartu minułyja hady składali pastaŭki kalijnych uhnajeńniaŭ, aŭtatechniki, matacykłaŭ, abstalavańnia dla apracoŭki kamieniu i drukavanaj pradukcyi. Zimbabve pastaŭlaje ŭ Biełaruś tytuniovuju syravinu, a taksama ŭ niaznačnych abjomach aharodninu i frukty.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?