«Asobnyja krainy Zachadu praciahvajuć palityku siłavoha nacisku na Respubliku Biełaruś, sprabujučy zadziejničać lubyja dastupnyja srodki», — zajaviŭ pres-sakratar MZS Biełarusi Andrej Savinych 7 krasavika na bryfinhu.

Ciapier, pavodle jaho słoŭ, jany imknucca uciahnuć u hety praces Arhanizacyju biaśpieki i supracoŭnictva ŭ Eŭropie. «Hrupa dziaržaŭ, manipulujučy pracedurnymi prabiełami ŭ dakumentach ABSE, vystupiła ź inicyjatyvaj ab nakiravańni ŭ našu krainu „misii dakładčyka“, nia majučy dla hetaha padstaŭ», — zajaviŭ pres-sakratar MZS.

Pres-sakratar taksama zajaviŭ, što rašeńnie Biełarusi ab zakryćci ofisu ABSE ŭ Miensku źjaŭlajecca kančatkovym, i nijakija pieramovy pa hetym pytańni z zachodnimi partnerami nie viaducca.

6 krasavika Vialikabrytanija i jašče 13 krain — členaŭ ABSE — zaklikali Biełaruś da supracoŭnictva ź misijaj mižnarodnych ekspertaŭ, jakaja musić sabrać fakty dla raśśledavańnia dziejańniaŭ, źviazanych sa zdušeńniem demanstracyj pratestu paśla prezydenckich vybaraŭ 2010 hodu, i nastupnych padziejaj.

Heta prapanova była zroblena ŭ miežach schiemy ABSE, viadomaj taksama jak «Maskoŭski mechanizm», — paviedamlaje BiełaPAN. — Heta schiema była ŭchvalenaja usimi členami ABSE, uklučna ź Biełaruśsiu, dla stymulacyi zachavańnia i pavahi da pravoŭ čałavieka, asnoŭnych svabodaŭ i asnoŭ demakratyi, viaršenstva zakonu praz dyjaloh i supracoŭnictva.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?