Kadafi i jaho asiarodździe šukajuć šlachi adstupleńnia, jakija dapamohuć im vyjści z hulni z najmienšymi stratami.

Tak amerykanskija naziralniki uspryniali niečakanyja sproby Kadafi ŭvajści ŭ kantakt z Vašynhtonam. Pradstaŭniki dziarždepartamentu paćvierdzili, što jany atrymali list za podpisam Muamara Kadafi, źviernuty da Baraka Abamy — pavodle Kadafi, «našaha darahoha syna». U pasłańni, jakoje apynułasia ŭ rasparadžeńni ahienctva «Asašyejted Pres», aŭtar zaklikaje prezydenta Abamu spynić pavietranuju kampaniju NATA, «niespraviadlivuju vajnu suprać maleńkaha narodu ŭ krainie, jakaja raźvivajecca», abiacaje ŭznosić malitvy za prezydenta i žadaje jamu pośpiechaŭ u nastupnaj vybarčaj kampanii.

List, napisany niaŭpeŭnienaj anhielskaj sa šmatlikimi pamyłkami, ale ŭ vysokim styli. I vyhladaje ŭ kantekście amerykanskich dyskusij ab chadzie livijskaj aperacyi epistalarnym kurjozam, ad jakoha admachnułasia dziaržsakratar Hiłary Klintan:

«Ja nia dumaju, što isnuje niapeŭnaść adnosna taho, što patrabujecca ad spadara Kadafi ŭ dadzieny momant. Z hetym zhodnaja mižnarodnaja supolnaść.
Čym chutčej jon vykanaje patrabavańni, čym chutčej spynicca pralićcio kryvi, tym lepš budzie dla kožnaha».

Minimalnuju cikavaść pakul pryciahnuła i pryvatnaja misija byłoha kanhresmena Kurta Ŭełdana, jaki adpraviŭsia ŭ Trypali na zaprašeńnie Kadafi. Uełdan maje daŭnija suviazi ź siamjoj Kadafi, i idei, jakija vidavočna vybivajucca z dyjapazonu prymalnych dla Złučanych Štataŭ rašeńniaŭ livijskaha kryzysu. Naprykład, jon miarkuje, što Kadafi možna pierakanać admovicca ad ułady, prapanavaŭšy jamu cyrymanijalny post kiraŭnika Afrykanskaha sajuzu. U svaim artykule ŭ «Ńju-Jork Tajms» Uełdan kaža, što treba dać mahčymaść synu Kadafi Seifu zastacca la ułady, kali jon nabiare dastatkovuju kolkaść hałasoŭ u vyniku svabodnych vybaraŭ. Bo, u rešcie rešt, mienavita Seif pierakanaŭ baćku pryznać adkaznaść za padryŭ «Boinha» nad Šatlandyjaj i vybuch dyskateki ŭ Berlinie. Pavodle Ŭełdana, u jaho niama nijakich daručeńniaŭ ad Biełaha Domu, jaho misija vyklučna pryvatnaja — pierakanać Kadafi syści, i jon padtrymlivaje stratehiju prezydenta Abamy.

Na pohlad upłyvovaha ahladalnika «Ńju-Jork Tajms» Nikałasa Krystofa, taktyka Kadafi vidavočnaja: «Ja nia dumaju, što isnuje kolki-niebudź surjoznaja vierahodnaść taho, što Ŭełdan pierakanaje jaho admovicca ad ułady.
Usio heta dakazvaje, što siamja Kadafi ŭśviedamlaje, što jana znachodzicca ŭ adčajnaj sytuacyi i sprabuje dziejničać roznymi šlachami, spadziejučysia znajści mienš balučy vychad. Jon zaprašaje Ŭełdana, jon adpraŭlaje list Abamu, jon pasyłaje pradstaŭnika ŭ Londan i da hrekaŭ».

Ale pošuk pažarnaha vychadu dla siamji Kadafi vielmi ŭskładniaje toj fakt, što Rada Biaśpieki daručyła mižnarodnamu kryminalnamu sudu razhledzieć dziejańni Kadafi i jaho ŭradu na pradmiet najaŭnaści ŭ ich prykmiet złačynstva suprać čałaviečnaści. Kali jany buduć vyjaŭleny, status palityčnaha vyhnanca nia vyratuje Kadafi ad vydačy sudu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?