Baćka palitviaźnia palitolah Alaksandar Kłaskoŭski nazvaŭ vyzvaleńnie Anatola Labiedźki pad padpisku pra niavyjezd čarhovym žestam uładaŭ na adras Zachadu.

«Heta prapanova palityčnaha handlu, kali kazać naŭprost. Naturalna, što ŭ peŭnaj stupieni heta i praca na ŭnutrany elektarat, kab taksama troški źmienšyć napružańnie, źbić chvalu hramadzkaha abureńnia, pakazać, što tut nibyta raźbirajucca, robiać niejkuju dyferencyjacyju. Heta ŭsio adbyvajecca ŭ rečyščy trendu ŭładaŭ na źmiakčeńnie sytuacyi i ŭ mižnarodnym, i va ŭnutranym planie, jakaja abvastryłasia mienavita praz chvalu represijaŭ, brutalnaje zdušeńnie pratestaŭ i pracesy nad udzielnikami Płoščy».

Na pytańnie, ci raspaŭsiudzicca hetaje źmiakčeńnie i na inšych palitviaźniaŭ, spadar Kłaskoŭski adkazaŭ:

«Ja dumaju, što ŭłada nia budzie śpiašacca. Jaje taktyka takaja, što treba paznačyć niejkija žesty, zrabić minimalnyja sastupki,
ale adrazu pajści na patrabavańni Zachadu i vyzvalić usich palitviaźniaŭ — heta ŭ razumieńni biełaruskaha kiraŭnictva było b strataj tvaru. Tamu tut budzie taki viazki handal».
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?