Heta achoŭnik ihravoj ustanovy ŭ Maładziečnie. U jaho na dačy znajšli schovanku z vykradzienymi kaštoŭnaściami.

Staličnaj milicyjaj ustanoŭlenyja ŭžo dva padazravanyja pa spravie ab bujnym kradziažy ź minskaha Centralnaha ŭniviersalnaha mahazina, jaki byŭ učynieny ŭ noč z 2 na 3 krasavika.

Jak paviedamili ŭ adździele infarmacyi i hramadskich suviaziaŭ HUUS Minharvykankama, u zatrymanych kanfiskavana bolš jak try tysiačy juvielirnych vyrabaŭ na sumu zvyš 600 miljonaŭ rubloŭ.

Spačatku pozna viečaram 3 krasavika ŭ Maładziečnie byŭ zatrymany 26-hadovy raniej sudzimy miascovy žychar. Jon nie sprabavaŭ adchryścicca ad kradziažu ŭ staličnym univiermahu i, apisvajučy padrabiaznaści, paviedamiŭ ab učynienym złačynstvie. Adnak staŭ vykručvacca, kali pytańni tyčylisia bujnoj partyi vykradzienych kaštoŭnaściaŭ.

Zatym milicyjaniery vyjšli na siabra zatrymanaha — achoŭnika adnaho ź ihravych ustanoŭ u Maładziečnie.

Mienavita ŭ jaho na dačy 4 krasavika byŭ znojdzieny tajnik z častkaj vykradzienaha.
Pra astatnija dva tajniki haspadar dačy paviedamiŭ užo sam z nadziejaj na źmiakčeńnie pakarańnia.

Śledčym adździełam papiaredniaha rasśledavańnia Savieckaha RUUS Minska ŭ dačynieńni da padazravanaha va ŭčynieńni kradziažu raspačata sprava na padstavie častki 4 artykuła 205 KK (kradziež u asabliva bujnym pamiery). Vyrašajecca pytańnie ab raspačynańni kryminalnaj spravy pa art. 236 (nabyćcio abo zbyt materyjalnych kaštoŭnaściaŭ, zaviedama zdabytych złačynnym šlacham) u dačynieńni da jaho chaŭruśnika.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?