Udzielniku Płoščy Paŭłu Vinahradavu pradjavili pašyranaje abvinavačańnie.
Akramia ŭdziełu ŭ masavych biesparadkach jaho vinavaciać taksama ŭ źniavazie dziaržaŭnych simvałaŭ. Pra heta «Našaj Nivie» paviedamiŭ baćka Paŭła Juryj Vinahradaŭ.

«Abvinavačańnie hruntujecca na fota- i videamateryjałach. Mnie składana skazać, što mienavita śledčyja znajšli ŭ skanfiskavanym kampjutary.

Ja bačyŭ tam tolki fota ź lecišča pad Dziaržynskam, dzie Pavieł razam ź siabrami paliŭ pudziła, padobnaje da viadoma kaho... Mahčyma, na im i była niejkaja simvolika.
Dapuskaju, što ŭ syna i jašče niejkija fajły byli tam — mnie heta nieviadoma. Nie viedaju taksama, što ŭ śledčaha jość», — raspavioŭ «NN» Juryj Vinahradaŭ.

Vypadak sa spalvańniem jołupa adbyŭsia čatyry hady tamu, adnak, niahledziačy na daŭnaść terminu, śledstva vyrašyła dałučyć novy epizod da usioj spravy. Na dumku advakata P.Vinahradava, termin daŭniny złačynstva, jakoje praduhledžana artykułam «ab źniavazie dziaržaŭnaj simvoliki», užo minuŭ.

Nahadajem, što aktyvista kampanii «Havary praŭdu» Paŭła Vinahradava zabrali 5 studzienia z ułasnaj kvatery. Tam ža byŭ praviedzieny pieratrus, padčas jakoha milicyjanty zabrali z saboj kampjutar aktyvista. Praź niekatory čas paśla zatrymańnia P.Vinahradava pakazali pa BT. U karotkim roliku jon śćviardžaŭ, što nie škaduje ab udziele ŭ Płoščy i ličyć svaje ŭčynki pravilnymi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?