Błohieraŭ natchniŭ prykład ahladalnika błahaśfiery Radyjo Svaboda Budzimira, jaki na minułym tydni raspačaŭ biesterminovuju haładoŭku na znak salidarnaści z palitviaźniem Mikitam Lichavidam. Adny prapanujuć ŠOS-dyjetu zdaroŭja, pastupova vyvodziačy z arhanizmu bulbu i admaŭlajučysia ad čarki i ckvarki.

Inšyja abirajuć dyjetu salidarnaści ŭ imia kankretnaj asoby: nie jeści paśla 19-j na znak pamiaci pra 19 śniežnia i nie ŭžyvać maroziva «Hoša», bo ŭładalnikam brendu źjaŭlajecca Hienadź Davydźka.

ŠOS-dyjeta zdaroŭja startavała 4 krasavika, jak kažuć jaje aŭtary adelka i lippa, «u honar zdaroŭja i žyćcia Budzimira, a taksama ŭ imia budučaha najchutčejšaha ŠOSu», i praciahniecca da 1 červienia.

Patrabavańni inicyjataraŭ akcyi da režymu vielmi prostyja: ŠOS, 58 kh i džynsy 27 pamieru ŭ jakaści etałonu.

Tym, chto choča dałučycca, treba vykanać čatyry prostyja praviły:

1. Kožnaja vykuranaja cyhareta — spłačanyja taboju akcyzy Łukašenku. Kurym redka i tolki kantrabandnyja.

2. Kožnaja lišniaja kałoryja pracuje suprać ciabie i suprać suajčyńnikaŭ — addalaje ŠOS. Rekamiendujecca čyrvona-zialonaja dyjeta: dzień — čyrvonyja pradukty, dzień — zialonyja, u šabat — ježa arnamientalnaha koleru.

3. ŠOS-fitnes: 3 km pieški štodzień, štoniadzielu basiejn i saŭna. Rekamiendujecca saŭna z adnadumcami pad ŠOS-łozunhami i razmovami.

4. Poŭnaje ŭstrymańnie ad sielskahaspadarčych pracaŭ. Jak by ni chaciełasia drovaŭ nakałoć abo bulbu pasadzić, lepš skarystacca impartnym polskim vuhalem i niderłandskaj bulbaj. Chacia bulbu lepš pastupova vyvodzić z arhanizmu. Čarka i škvarka taksama žorstka nie rekamiendujucca.

Paetka Valaryna Kustava ŭ svaim błohu prapanuje dyjetu salidarnaści — nie takuju radykalnuju, jak ŠOS-dyjetu. Jana padzialaje mierkavańnie, što najzručniej prytrymlivacca peŭnych abmiežavańniaŭ dziela niejkaha kankretnaha čałavieka i abrała sabie Paeta, dzień narodzinaŭ jakoha 9 lipienia. Da hetaj daty i budzie doŭžycca jaje dyjeta salidarnaści. Kab dałučycca, treba najpierš abrać taho, dziela kaho (u padtrymku kaho) siadziecie na dyjetu. Dalej vykonvajecie niekalki praviłaŭ. Nie ŭžyvajecie biełaruskaha i rasijskaha ałkaholu (za vyniatkam — kali pryciśnie — «Krambambuli», bo jaje vypuskaje biełaruski prazaik Leanid Dajnieka z synami, ci samahonu, zroblenaha siabrami, ci samarobnaha vina). Nie ŭžyvajecie sałodkaha (pieradusim maroziva «Hoša», uładalnikam brendu jakoha jość Hienadź Davydźka, i adpaviedna nie abahačajecie inšyja dziaržaŭnyja brendy).

Nie ŭžyvajem biełaruskuju kaśmietyku pierad i paśla saŭnaŭ dy dušaŭ (pieradusim «Bielita»/ «Viteks»). Nie jamo paśla 19-j (u znak pamiaci pra 19 śniežnia). Zamianiajem cyharety elektronnymi albo jehipieckimi ź ziołkami, jakija mienš škodnyja i natchniajuć. Praktykujemsia na trenažorach salidarnaści: rovary, biehavyja darožki, baksiorskija hrušy. I, naturalna, starajemsia ŭžyvać zdarovyja pradukty, dumki i nastroi. Pjem šmat vady. Pažadana kryničnaj ci śviatoj — ad demanaŭ.

Dałučycca da «narodnych» dyjetaŭ možna ŭ sacyjalnych sietkach — praz Žyvy časopis i Fejsbuk.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?