Jaŭhien Vaśkovič, padazravany ŭ padpale babrujskaha budynka KDB, paviedamiŭ u liście da adnapartyjcaŭ, što padpisaŭ dakumienty ab zakryćci spravy.

Jon piša, što «u 339-m artykule „asabliva złamysnaje chulihanstva“ (častka 3), zamianili na „złamysnaje“ (častka 2), ale pastavili ŭ vinu jašče artykuł paškodžańnie majomaści (art. 218 častka 3). Pavodle hetaha artykułu mnie pahražaje ad siami da 12 hadoŭ…» Taksama maładzion adznačaje, što suma iska da jaho składaje 253 635 rubloŭ.

«Jašče mahiloŭski „biaspłatny“ advakat zapatrabavała, kab joj zapłacili za tyja hadziny, što jana da mianie prychodziła… D

arečy, u mianie ŭžo pamianiaŭsia treci advakat, jaki ničoha nie robić:
niejkaja maładzica siadzieła moŭčki na zakryćci spravy i dumała tolki ab tym, kab pachutčej źbiehčy dadomu… Advakata ja ŭ vas spytvaŭ tolki dla taho, kab vy dakładna viedali, što adbyvajecca. Viedaju, što ŭsio adno jany zasudziać mianie», — paviedamlajecca ŭ liście.

Jaŭhien Vaśkovič miarkuje što śledčy Haćcian, jaki zajmajecca jaho spravaj, nastrojeny na toje, kab «dali jak maha bolej». A taksama piša, što

sud, chutčej za ŭsio, adbudziecca ŭžo ŭ krasaviku.

«A maim siabrukam (Arciom Prakapienka i Pavieł Syramołataŭ) „śviecić“ toje ž samaje, što i mnie. Jany hetaksama prachodziać pa hetym artykule. Taja tolki roźnica, što da mianie chočuć prymianić jašče i palityčny artykuł — za dziejnaść ad imia niezarehistravanaj arhanizacyi», — piša Jaŭhien Vaśkovič.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?