5 krasavika ŭ Dziaržaŭnym muziei historyi biełaruskaj litaratury adkryłasia vystava «Staronki historyi» viadomaha mastaka-płakatysta Uładzimira Krukoŭskaha.

Na joj pradstaŭleny pracy mastaka roznych hadoŭ, u tym liku tyja, što znachodziacca ŭ fondach muzieja.

U centry ŭvahi Krukoŭskaha — Biełaruś, jaje historyja i kultura, jaje siońniašni dzień i zaŭtrašni los. Ale tematyčny i žanravy dyjapazon mastaka značna šyrejšy: płakaty antyvajennyja i antyałkaholnyja, kultura i sport, ekałohija, technika biaśpieki, afišy, płakaty ahitacyjnyja i prapahandysckija. Tvory Uładzimira Krukoŭskaha ŭjaŭlajuć svojeasablivy vizualny letapis času.

«Pačaŭšy pracavać u žanry płakata, — raskazaŭ mastak, — ja zaŭsiody imknuŭsia adbirać dla siabie takija temy, jakija, pa majmu pradčuvańniu i pa ahulnaj hramadskaj situacyi, źjaŭlajucca kali nie viečnymi, dyk vielmi praciahłymi. Naprykład, takaja vostraja tema, jak stanovišča ź biełaruskaj movaj. Situacyja ź joj, na žal, nie palepšyłasia, chacia płakaty, jakija jość na hetaj vystavie, stvoranyja 20 hadoŭ tamu».

Na dumku staršyni siekcyi hrafičnaha dyzajnu Biełaruskaha sajuza mastakoŭ Uładzimira Buśko, siońniašni biełaruski płakat — taki ž vostry, jak i 10, 15, 20 hod tamu. «Sučasnyja mastaki praciahvajuć tradycyi našych kłasikaŭ, — adznačaje jon, — Krukoŭskaha, Žuka, Čurkina, Ihnacienki i inšych, chto pakinuŭ svoj śled. I ja dumaju, što maładoje pakaleńnie mastakoŭ budzie taksama vostra adhukacca i na sacyjalnyja, i na palityčnyja, i na kulturnyja temy».

Vystava budzie pracavać na praciahu miesiaca.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?