Italjanski śpiavak Tota Kutuńjo 6 krasavika daść u Minsku adziny kancert.

Jak paviedamiŭ śpiavak na pres-kanfierencyi 5 krasavika, u druhoj častcy kancerta jon vystupić u supravadžeńni Prezidenckaha arkiestra Biełarusi, dyryžyravać jakim budzie italjanski dyryžor.

5 krasavika ŭ Pałacy Respubliki prajšła repietycyja vystupleńnia. Tota Kutuńjo zastaŭsia zadavoleny akustykaj zały, adznačyŭ dobruju padrychtoŭku muzykantaŭ arkiestra, u tym liku maładych. Padčas kancerta śpiavak vykanaje viadomy biełaruski chit «A ja lahu, prylahu», jaki jon upieršyniu prezientavaŭ u 2010 hodzie na fiestyvali «Słavianski bazar u Viciebsku». Pavodle słoŭ vykanaŭca,

dla italjancaŭ ciažkavataje biełaruskaje vymaŭleńnie, tady jak biełarusy dosyć chutka vyvučajuć italjanskuju movu.

Śpiavak adznačyŭ, što pryjazdžaje ŭ krainy byłoha SSSR z 1986 hoda. «Rasija vielmi źmianiłasia, stała bolš zachodniaj, amierykanizavanaj, — skazaŭ jon. — I kali susiednija krainy mianiajucca, to Biełaruś zastałasia sa svajoj palitykaj». Pavodle słoŭ vykanaŭcy, u Minsku zastałasia ramantyčnaść, jakoj niama ŭ Maskvie. «U dziaŭčat u vačach jość niešta, što pryciahvaje, jak byccam jany pra štości marać, bačać sny», — skazaŭ jon pra biełarusak. Tota Kutuńjo paraiŭ im maryć i dalej, bo «rana ci pozna mary stanoviacca realnaściu».

Pavodle słoŭ muzykanta, za svajo žyćcio jon napisaŭ bolš za 300 piesień, kala 50 ź ich jašče nie vyjšli ŭ śviet. «Mnohija pieśni — heta historyi majho žyćcia, mnohija — heta historyi, jakija ja chacieŭ by pražyć», — skazaŭ vykanaŭca. Tota Kutuńja ihraje na hitary, bas-hitary, pijanina, saksafonie, hubnym harmoniku, ale lubimym instrumientam ličyć pijanina. Padčas hastrolaŭ muzykant zvyčajna znachodzić nieabchodnyja instrumienty na miescy. Tak, padčas kancerta ŭ Minsku ŭ 2007 hodzie jon pazyčyŭ hitaru ŭ Vitala Artysta — lidara biełaruskaha hurtu «Bieź bileta».

Jak raskazaŭ Tota Kutuńjo, niadaŭna jon napisaŭ knihu ramansaŭ pra kachańnie, jakaja atrymała nazvu «Na kryłach nadziei», ale pakul nie addaŭ jaje ŭ vydaviectva. Jon taksama paviedamiŭ, što zajmajecca prajektami pa prasoŭvańni maładych muzykantaŭ — biare ŭdzieł u arhanizacyi roznych konkursaŭ i fiestyvalaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?