«My budziem budavać mienš žylla ŭ cełym, a budziem budavać metanakiravana dla tych, chto ŭ im maje patrebu», — zajaviŭ Alaksandr Łukašenka 5 krasavika padčas naviedvańnia Kobrynskaha rajona Bresckaj vobłaści.

Pavodle źviestak pres-słužby prezidenta, jon «paćvierdziŭ płany ab vydzialeńni biaspłatnaha žylla siemjam pry naradžeńni čaćviortaha dziciaci i značnaj dziaržaŭnaj padtrymcy pry budaŭnictvie žylla siemjam z tryma dziećmi». Dapamohi siemjam, jakija vychoŭvajuć dziaciej, buduć pavialičvacca ŭ zaležnaści ad stanu ekanomiki, skazaŭ aficyjny lidar.

Łukašenka adznačyŭ, što akcent va ŭźviadzieńni novaha žylla budzie źmieščany sa stalicy na rehijony. U małych haradach nieabchodna bolš aktyŭna stvarać novyja pracoŭnyja miescy i budavać žyllo tam, dzie patrebna rabočaja siła, ličyć biełaruski kiraŭnik.

«U małych haradach pavinny być pradpryjemstvy, jakija efiektyŭna pracujuć, kab tam pracavali jak minimum 300 čałaviek. Heta budzie dobraja prybaŭka i rezierv. A potym pojdziem u ahraharadki. Moža być, tam buduć adkryvacca filijały ad rajonnych pradpryjemstvaŭ», — zajaviŭ Łukašenka.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?