Najbujniejšy apieratar sotavaj suviazi Rasii — AAT «Mabilnyja TeleSistemy» («MTS») — hatovy vykupić «pa razumnaj canie» 51% sumiesnaha rasijska-biełaruskaha TAA «MTS». Pra heta zajaviŭ 5 krasavika žurnalistam u Maskvie vice-prezident, dyrektar biźnies-adzinki «MTS Zamiežnyja kampanii» Aleh Raspopaŭ.

Ciapier rasijskamu apierataru naležyć 49% SP, 51% naležyć respublikanskamu ŭnitarnamu pradpryjemstvu elektrasuviazi (RUP) «Biełtelekam».

«My zacikaŭleny ŭ nabyćci STAA „MTS“ i viadziem adpaviednyja pieramovy», — cytuje Raspopava RIA Novosti.

«My hatovy nabyć hety pakiet, ale pa razumnaj canie», — dadaŭ jon.

Pry hetym pradstaŭnik «MTS» adznačyŭ, što biełaruskim partnioram «viadomy prapanovy «MTS», adnak abnarodavać ich jon admoviŭsia, spasłaŭšysia na kamiercyjnuju tajnu.

U sakaviku Alaksandr Łukašenka zajaŭlaŭ, što Biełaruś hatova ŭstupić rasijskamu apierataru 51% u SP za 1 młrd. dołaraŭ. U advarotnym vypadku, pavodle jaho słoŭ, pakiet budzie vystaŭleny na aŭkcyjon.

«MTS» — najbujniejšy apieratar sotavaj suviazi ŭ RF. Pavodle danych na kaniec lutaha 2011 hoda jaho abanienckaja baza składała 71,863 miljona karystalnikaŭ. Kansalidavanaja abanienckaja baza «MTS» z ulikam daččynych kampanij u Armienii, Biełarusi, Uźbiekistanie, Ukrainie i Turkmienii ŭ kancy lutaha skłała 108,858 miljona karystalnikaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?